زهور العتابي
الحوار المتمدن-العدد: 5562 - 2017 / 6 / 25 - 10:27
المحور:
الادب والفن
أنشدَّك
بالله وأهل البيت
لو جيت
تجيبْ الفَرح ويّاااك
لو هلّيت
يااااعيد .....
تَعبنَه !!!
والله يِدري
خَلّصنا الوَكت
تشوفنَه
الوااادم بلهدووم
يظنون ما بالكلب
شَعره.. هموووم !!
ولاجَن طول العمر
ذاك الكَلب مَلجوم
مالوووم !!
صُبرنا اعله الزمن
وهمومنا هوااااي
نِبجي
بلايَه صوت
ونوّن بهدااااي
تعلّمنا ...نِكابر
ونبقى
نِداااري الدَمع
والاه حَدر الضِلع
ما تنسِمع !!
يَدنيا ....
أخخخ..منّج
على ناس وناس
دوومج
نااااس ...
بسعادة وفَرح !!
وناااس ...
بألف حِركة !!
تبجي
وتوّن سَكتَه !!
يَعَمّي ..بَطلّنا
ما نِحلم بَعد
راح العُمر وتعدَّه !!
بَس
نريد ننسى
كل ذاك الحزن والهم
كولي
شوكت ...وشلون !؟
ننسى !!
عسى
بجية العيد ... نِلكّه
فرحة النِسيان عدَّة
وذاااك الوكت
بَس ....نكول
كِل الهلا بيك
يا عيد مِن جيت
#زهور_العتابي (هاشتاغ)
كيف تدعم-ين الحوار المتمدن واليسار والعلمانية
على الانترنت؟