عادل عياد
الحوار المتمدن-العدد: 5554 - 2017 / 6 / 17 - 05:02
المحور:
الادب والفن
روحي بتزور العدم
وبترفرف
والوجود لسه متوجدش
ولا شعوره هفهف
ولا نسمات الهوا الوليده
أبحرت في بحر الخلود
ولا القمر سرق روحه من الشمس
وطعم السحب لسه متخلقش فيه اللذه
والتراب لسه مجرد جنين
واحنا لسه فكره
والحياه بدأت بفكره
وهتنتهي بحرب
ملعونه كل الحروب
وملعونه كل فكره
وملعون كل مرض فرد جناحه في العقول
على درب الزمن
ضرب الودع الطالع
وطلع فوق اكتاف القدر
وكشف مهازل الغيب
فغاب
وغاب
وعاد
ففقد النطق
ومهتمتش
لابروحي
ولا الوجود
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟