أبو غزّة على أبو رام الله على أبو القدس

أكرم الصوراني

الحوار المتمدن-العدد: 5362 - 2016 / 12 / 5 - 21:12
المحور: الادب والفن
    

ولا بعمرنا سألنا ولا كان يهمنا أبو عمار غزّاوي ولا ضفّاوي
ولا بعمرنا سألنا ولا كان يهمنا لاجئ ولا مواطن
ولا بعمرنا سألنا ولا كان يهمنا ليش رئيس حركة فتح مش من غزّة
ولا بعمرنا سألنا ولا كان يهمنا ليش رئيس حركة حماس مش من غزّة
ولا بعمرنا سألنا ولا كان يهمنا ليش أمين عام الجبهة الشعبية مش من غزّة
ولا بعمرنا سألنا ولا كان يهمنا ليش أمين عام الجبهة الديمقراطية مش من غزّة
ولا بعمرنا سألنا ولا كان يهمنا ليش أمين عام المبادرة الوطنية مش من غزّة
ولا بعمرنا سألنا ولا كان يهمنا ليش أمين عام حزب الشعب مش من غزّة
ولا بعمرنا ولا كان يهمنا مين أقدس غزّة ولا القدس القدس ولا رام الله رام الله ولا حيفا حيفا ولا يافا
ولا بعمرنا سألنا ولا كان يهمنا هيك أسئلة غبيّه طالما كلنا فلسطينيّه
شو يعني غزّاوي
شو يعني ضفّاوي
شو يعني مقدسي
شو يعني 67
شو يعني 48
شو يعني داخل
شو يعني خارج
شو يعني شتات
شو يعني ابن مخيمات
(شـــو) هاي مش شايف إلها إلا تفسير واحد يا قلة أدب يا قلة أدب يا قلة أدب
ويلعن أبوه اليوم اللي بدها تكبر فيه غزّة على فلسطين
أبو غزّة على أبو رام الله على أبو القدس إذا بدهم يكبروا على فلسطين

أكرم الصوراني
فلسطين المحتلة

#أكرم_الصوراني (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات