(طالما كنتَ هاتفاً لليل ..... واِعادة ما ) / نص بالعامية العراقية

مرتضى محمد
(Murtadha Mohammed)

الحوار المتمدن-العدد: 5342 - 2016 / 11 / 13 - 20:14
المحور: الادب والفن
    

طشو أشموع بالشط ...
ولا تسموهن " خضر " ..!
سموهن " الله " الضمته الروجات حدر الماي ...
وتأخر وجهه . ... ،
طشو السواليف حدره ، وخله يبرد ...
شطنه ورّث من كثر الوجوه فوكه . ..،
ويا شمع خليه يصحه ..
خليه يصحه ...
من سكر الاشواك لا يعتك وجهه .
وأنته ... أنته ... أنته ............
يلتجيني بمدري ليش ،
وأنه ادري الليش يا طـــــــــــــاري .
يلتجيني تصحي بيه الليل وأسئلته الجبيره ..
يلمن بروحي "الكتب " والتين ما يحرك بختهه .
يلتجيني بسكر صحوك ونسمع " المطرود" يبجي ..
يدني بالروجات خلكه ... ،
وتلتمع الوجوه كلهه ، اِلـــه وجهه ..!!
ِالــــــــــه وجهه الضمته الروجات وتأخر وجهه .
يلتجيني بضيجه من ضيجات روحي ..
نسمـــــــه ،
وصوت غنوة ،
وفراشة محيره ويردم وجهه . ... بنار تحجي !!!!
وتيهت الدروب .. الدروب ..
الضمتله الورده وجهه ...
والروجات حدر الماي متأخر وجهه .
--------------------------------------
مرتضى محمد/هنغاريا- 2016

#مرتضى_محمد (هاشتاغ)       Murtadha_Mohammed#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات