طالب الجليلي
(Talib Al Jalely)
الحوار المتمدن-العدد: 5301 - 2016 / 10 / 1 - 15:02
المحور:
الادب والفن
انته يا أول عشك
دك باب العمر
مر بيّه لحظه اومشى
حسبالي غمزة فجر!
حسبالي طيف
اوخفت!!
ونته تدري جم طيف
اليمر
كل لحظه من هذا العمر
جنها أمس!
لحظه اويرد ابكل سوالفنه
أمس..
شرد اكل السوالف
السولفناها
وأللي ما سولفناهن
أمس!!
أهيسنها ..
تمر جنها حلم
تلمس اجروح الزرعها افراكك
ابروحي
تلجمها ..
وانا حسبالي
تمر ابرهدنه
اوتلمسهن ابحنيّة أمس!
اخ ياجرح
يلماتستحي
مدري مِنّه
مدري مِنِّي
ادري بس انه !
ارد اكلك يا جرح
طيف اللي كل مره
تفز
من يجيسك
يندّي روحي اليبِّساها
العطش ، بس !
اخ شيردّٓك يا أمس!!
شيردّٓك وِلٓك
وشجيلٓك اجروحي اصراخ
مو بالهمس..
شيردّٓك يا أمِس!!
1 تشرين اول 2016
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟