ممحله الكاع ..!!

طالب الجليلي
(Talib Al Jalely)

الحوار المتمدن-العدد: 5286 - 2016 / 9 / 15 - 09:33
المحور: الادب والفن
    

يمتاني الفجر ينطر
ويورد القداح
هِندِسْ ليالينا صُفٓنًْ!
نتهمس اومامش ضوا
يمكن اعتقلوها الشمس
لو هيّه تاريخ اصبحت
مثل العمر
مبخوت ، أكلك راح!
وتكلّي جا مالك توِّن؟!
ما مرتاح ، ما مرتاح !!
حسبالي سنه اوسنتين
وهموم الكلب
غيم اوتلاكه
وٓي وحشة ليالينا
اوتمنّينا
تتذكّر؟!
جانت امعسره!
اوتنيناها
ابلهفة الفلاح
لو بالجذب!
ندا لو بس كطره
ولو تمطر!
مطرت !!
عشره وثلاثه
اوبعد ..
بعدني أتنطر فرج
وأكعر
نهار اوليل مثل اللي
صابه الجرب
مامرتاح .. ما مرتاح
تنز حتى السواجي
الفاركاها الماي
ولا ملّت .. بعد تمطر
دكلّي اشتمطر بعد؟!
ماهي كل ساعه ببلادي
تمطر دم !!
ممحله والجراد اللفانا
نِبٓش حتى اكبور موتانا
واحنا بعدنا خدرانين
محتارين
ياهو امنا
اوياهو جدنا
نلعب اللعبه القذيمه
(اعظيم اللاح )

14 أيلول 2016

#طالب_الجليلي (هاشتاغ)       Talib_Al_Jalely#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات