العقول العربيه والاموال اليهوديه والكبسه السعوديه

جان نصار

الحوار المتمدن-العدد: 5156 - 2016 / 5 / 8 - 20:04
المحور: كتابات ساخرة
    

العقول العربيه والاموال اليهوديه والكبسه السعوديه
قال يا جماعه التقى الامير تركي الفيصل رئيس المخابرات السعوديه الاسبق مع الجنرال الاسرئيلي يعقوب مريدور المنسق الامني وكمان الاسبق بالصدفه في معهد واشنطن للدرسات الشؤون الشرق الادنى ومنها كمان الاوسط ,,كانوا رايحين يلعبوا طولة زهر يعني شيش بيش.
والله وسلامات يا عم يعقوب شو جبك على واشنطن .
اوه خبيبي تركي كيف خالك من زمان انا ما بيشوفي انت مرهبه.
طبعا الصدفه خير من الف معياد وطالما انو الجماعه التقوا فمش غلط التنسيق والحديث الودي والتعاون الاستراتيجي...
بس يا اخوان الله يوفقكم تفهموش اللقاء غلط وميروحيش فكركم لبعيد هاد مش تطبيع زي ما البعض بفكر هاد ترقيع و تفقيع و تميع و تسميع وترفيع و تمزيع و توجيع و تخليع وتجميع وتقطيع.
احلى شي انو التنين قارين على شيخ واحد وبقولولك اننا لا نمثل حكومات بلدانا بس منسق من تحت الطاولهبشوية لقاءات سريه و بعضها علنيه و في حبة مصالح مشتركه بيناتنا.
قال سياسة عدو عدوي صديقي تنطبق على السعوديه وبما ان العدو المشترك لاسرائيل والسعوديه اليوم ايران ونوويها وحزب الله وتهديده وداعش وخطرهم فمش غلط نحط عجينات السعوديه على خميرات اسرائيل ونوحد الجهود وعلى الله الاتكال.
اذا الامريكان ما بدهم يحاربوا الشيطان اللي اسمه ايران فاسرائيل والسعوديه بالميدان سامع يا ابو حميدان.
بس احلى شي طرح بالمناظره اللي زي ما قلنا كانت صدفه الامير تركي الفيصل بقترح تزاوج العقول العربيه مع الاموال اليهوديه.
راجعت ودققت وتفحصت قلت بعقلي بركي يا ولد انت سمعت غلط او ما فهمت مزبوط عيد يا خوي تركي مش فاهم عليك .
العم تركي رجع عاد العقول العربيه والاموال اليهوديه.
يعني لو قال العقول اليهوديه والاموال العربيه كانت بجوز تكون ازبط اكيد في اللتباس يا جماعه.
طب وين الاموال العربيه اللي صارلنا 60 او 70 سنه منجمعها من دخل النفط العربي والخليجي والسعودي راحت يا ترى .
هلىء صارت الاموال اليهوديه اكتر من الاموال العربيه وشو مع الاموال المرمايه بالبنوك الامريكيه للسعوديه وحدها قال في 750 مليار دولار غير بقية دول الخليج.
طب ولي ولي العهد السعودي بقول انو بدو يعمل صندق استثمار بمبلغ 2 ترليون دولار.وانو ما بين 10 الى 15 %من اموال العالم هو بايد السعودين شو تبخر قبل ما يبداء المشروع والا هاي الاموال ما الهاش دخل باللعب.
وين العقول العربيه يا ترى ماهمي هاجروا على الغرب اللي شوي بفهموا,, والباقين بالوطن العربي ببيعوا فلافل وسواقين تكاسي وعاطلين عن العمل او انتحروا من كتر الفرص اللي وفرتها حكوماتهم الهم.
طبعا القضيه الفلسطينيه تطرق الها الامير تركي من باب المبادره العربيه من عام 2002 واللي اليوم لا بتحل ولا بتربط واكل عليها الزمن وشرب وصارت اكسبايرد يعني فاقدة الصلاحيه مثلها مثل العشرات من المبادرات السلميه لحلول القضيه..
الجنرال يعقوب بقول مش غلط انو تبقوا على ما انتو تحلموا.
بيناتنا اذا الفلسطينيه انفسهم مش جادين بحل قضيتهم وبعدهم بنسقوا وبتشاوروا حتى على تقديم مشروع ضد الاستيطان.هاي عريقات بقول لسه ما نضجت المشاورات على اساس انها على نار هاديه تعتمد على اشعة الشمس.بستنوا المبادره الفرنسيه للحل اللي اسرائيل رفضتها واللي على ما يظهر انو القياده الفلسطينيه ما وصلهم الخبر او لسه ما استوعبوه .
اصحى يا عريقات ويا ابو مازن احنا اليوم في عام 2016وكفاها الله خلص استقيلوا يا سلطه ويا حماس واتركوها على اسرائيل وسلموها الجمل بما حمل وخلوها تتحمل مسؤولية احتلالها.
الامير تركي الفيصل قال انو حابب يصلي بالقدس والعم يعقوب قللو انت مرحب بك.بس الامير عدل من الجلسه وقال انو مش راح يصلى الا لما تنحل القضيه وبرفض التطبيع بس بالصلاه اما غير امور محدثات وتفاهمات وتطمينات ومؤمرات فهدا من منطلق الضروريات تبيح المحذورات.
يا جماعه انا هذا الحديث قشعرلي بدني وفطت الدمعه من عيني لورع الامير اللي حابب يصلي بالقدس مع انو اقرب الى الجنه من الاراضي السعوديه منها من فلسطين.
الاحلى انو الامير تركي بقول عن سوريا والعراق وليبيا واليمن دول فاشله وهدول صاروا فاشلين لانو نزل عليهم بالليل الفشل زي المطر وما في تداخلات اجنبيه ولا اصابع وبعابيص سعوديه يعني دول فشلوا قضاء وقدر ومن الله.
شخصيا اعتقد انو تزاوج العقول العربيه مع الاموال اليهوديه سينتج طبخة الكبسه السعوديه مع التحليه تكون المهلبيه الاسرائيليه.
عزيزي القاريء اذا كان عندك شوية وقت وفراغ للقراءه بعينك الله اقراء محتويات هذا الرابط وشوف العقول اليهوديه وضلك اتغنى بالرازي وابن سينا االي همي بالاصل مش عرب واضرب موشح و موال كان العرب.
https://afkarblog.com/tag/%D9%85%D8%B4%D8%A7%D9%87%D9%8A%D8%B1-%D8%A7%D9%84%D9%8A%D9%87%D9%88%D8%AF-%D9%81%D9%89-%D8%A7%D9%84%D8%B9%D9%84%D9%85-%D9%88%D8%A7%D9%84%D8%AA%D8%A7%D8%B1%D9%8A%D8%AE/
شكرا انترنت شكرا عمي غوغل وشكرا ويكوبيديا
وشكرا السعوديه الامل القادم بالخلاص

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات