صفوت فوزى
الحوار المتمدن-العدد: 5113 - 2016 / 3 / 25 - 03:50
المحور:
الادب والفن
أحضنك
من بين إيدى تفلتى
زى حلم ضنين مراوغ تهربى
وبقليله يوم فى عمرى تصُدقى
لو تصُدقى .
●-;- ●-;- ●-;-
أمسكك
زى جمرة نار فى حضنى تكمشى
وتكلبشى
جوه حشايا تفتشى
وتطهرى موضع ألم
جوة قلبى ينتشى
أحضن بصدرى كون جميل
والحزن يوم من عمرنا
يسيبنا مرة ويختشى
●-;- ●-;- ●-;-
لو تصُدقى وتصّدقى
إن إحنا عايزينك تعيشى فى وسطنا
وقلبك الدافى يحن يضمنا
يخضر تانى زرعنا
يرتفع إسمك ورسمك فوق مآذن أرضنا
وتدق أجراس الكنايس
يرجع الابن اللى تاه
تكتر الأرض العمار
والغنا م القلب تانى يلمنا
لو تصُدقى .
-----------------
#صفوت_فوزى (هاشتاغ)
كيف تدعم-ين الحوار المتمدن واليسار والعلمانية
على الانترنت؟