الصدر والبكر والحمزة ابو -احزامين -

علي طالب الملا

الحوار المتمدن-العدد: 5096 - 2016 / 3 / 7 - 15:56
المحور: مواضيع وابحاث سياسية
    

الصدر الاول رحمة الله سوه حزب و" تبره منه " وسوه " المؤلفات مالته جانوا "الدعوچية " يقولون تدرس في " اكسفورد ومنهاتن . ونظام البعث منع التدوال فيها ؟ طبعا ولا " جملة " من كتب السيد نزلت بمناهج العراق التدريسية !! بعد ما لزموا " ثروات " البلد ، كل ما " يسووه " حتفوا بهذا الرجل المفكر فقط بتمثال نصفي بطريق " المطار "
- البكر رحمة الله للي يحچي ويعرفه " صدك " متدين ومتواضع ونظيف ويخاف الله .. بوكتة طك العراق " فلوك " ولا واحد من اولاده " حط عينه " على الدوله .. مدير مكتبه من " القاسم " و23 وزير " شيعي " بحكومته .. راح للحمزه الشرچي بين الديوانية والسماوه ، " ابوحزامين ".. سواه " مدينه " وعلى حسابه الخاص مو من " الحكومه " من يوم " البكر " لليوم ماكو مدير " بلدية " وصل للحمزه .. والله لا اعرف واحد من ابناء البكر ولا اقارب البكر ولا " متامل " مصلحة وي احفادالبكر ... ولا انا اقدر " اقيم " البكر لأن " الكبار " لهم من يقيمهم .. بس ياجماعة الخير اريد بس جواب شافي وكافي وبيه " حظ " ليش شالوا " تمثال " البكر " ؟؟؟؟
يعني الجماعة " مقنعين " فد 100 سنه مطولين " اهل الحكم " ... مو هم تجي ناس "" وتشلع وتقلع "" تماثيلكم ... عمي هذه التماثيل .. ثقافة وحضاره وتاريخ وشواهد وامانه .. يعني سرجون وحمورابي واشور بنيبال لليوم " متونسين " وعندهم تمثالين و" تتعارك " عليهم بالقنابل " مافيات التهريب " وحسني مبارك وسوزان " محد هز " جصايه من تماثيلهم واحنه " 8" تماثيل للروساء العراق ماكدرنه " نجرعها "
يعني مثلا " نعيم عبعوب " اسمه وصورته بالمتحف البغدادي ويجيك واحد يگول " تقليد متبع " طيب خير ان شاء الله منو الاحسن " عبعوب " لو البكر ؟ مع التحفظ على المقرانه .. ملوك وروساء العراق جميعا " ارث " وامانه تخص الوطن وليس لحزب او طائفه او دوله " تتخبل " من ناس و" تعشگ " ناس " .. قبل اسبوعين " قريت الفاتحة " بقبرص على روح " سبيريس كبريانوا .. گبال تمالثة ... وانا الممنون .. لان خلف " ناس " تعرف شلون " تصون " الامانه " #ي_مسلم

#علي_طالب_الملا (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات