الأيروتيك الحرام

جعفر كمال
شاعر وقاص وناقد
(تôôèô‏ ؤôéôم)

الحوار المتمدن-العدد: 5078 - 2016 / 2 / 18 - 14:44
المحور: الادب والفن
    

"الإهداء إلى المحامية"
=
حَييِنَا بغرام وگلتوا مو إحنه
وبرضاكم
يطلع حتى السلام يهاتف المحنه
شعجب يا مركصَّهَ الألوان بعيونچ
چفيتي بعيد..
وخليتي الكلب معروض..
لعيون النساء التشتري من نظرتهَ همسهَ
صدگ أنتِ..
نسيتِ الغبشه من تشرق
وآنه وياچ مدثرين بالونسَّهَ
تتذكرين أول ما تلاكينه
تباسمنا وتحاچينا
كتبنه حروف تحچي اللي تمنينه
تلاگينه بفضاء وچنَّهَ محسودين
وعيون الرجال تبوك لحظات الحلم خَلْسَهً
وآنه وياچ ما شفنه ولا سمعنه
بس صرخاتنه تتصاعد بسكتّهَ
نسيتي شلون من چنْهَ
انْتِرَچَى الشوك من رب الغرام يكون يأنسنهَ
واحنه اثنينه ضعنَّهَ بدرب لسَّهَ، بعد ما ينعرف لسَّهَ
وحلات الروح تتمنى تلم إحساسي بإحساچ
رجعتِ ردود..
وحطيتچ على چفي مثل عصفور
ورِچفات الگلب ما تنسمع صرخاته الخرسه
ابونی-;-ن الشفه لمَّن ترضع الشفه
يَمعَودهَ..
ليش معكده الوجنات
وأنتِ اللي حسبتيني عاشك ما نخلگ لسْهَ
بس..
ليش الچلمه من تندار
بكلَيب المِسَا محتار
أوَنتَّهَ تنمرد بس ينطري حِسْهَهَ
وهي ..
ويَ الجفه تطوي عذاب اسنينك الخمسی-;-ن
طفله.. وتحترگ بأعوامهَ العشری-;-ن
جانت من تشوفه تصير..
جنْهَهَ عايشهَ بأوقات مختلفهَ
أحس روحي من أروح إلْهَ
تشهگ آخخخخ، لوْ ترجع وشوفنهَّ
أرش دروبه أشعار من نهوده ترضع حلم أمسه
لكن..
من هذاگ اليوم إلهذا اليوم
وهي ويَ الجفه ولفه
وأعرف ما اظننهَ تذكرني إلي وحشّه
وحتى لو چذب عندج إلي وحشه
عفيَّهَ عليچ شگد الروح تتمناج
عسانا نصير گلبين بجسد أركع عليه واهواج
وعلى خصرك أَمَسْي وأتلو بالأيمان
وصلاتي عليچ، بعد ما خلصت لسَّهَ
شبكه تحضن الشبكه وتمني الروح
إلچ طول العمر نفسهَ منچ تنتظر ملگى
وإلچ.. هَمْسَةْ ولچ گبان..
وتظل چلمة ولچ تتمرغث بونْسَّهَ
لِسْهَ
***

#جعفر_كمال (هاشتاغ)       تôôèô‏_ؤôéôم#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات