عندما يعجز بائع -الفرّارات- تصليح سيّارة بي أم دبليو ؛بطريقة سيّارة فؤاد المهندس

طلال الصالحي

الحوار المتمدن-العدد: 5052 - 2016 / 1 / 22 - 15:06
المحور: مواضيع وابحاث سياسية
    

هذه" ال "شوتة" متفيد ..اقلعها ..هذا "كير الطرح" أشمره برّة لأن عبارة عن "احتيال من الشركة" لرفع ثمنها .."الستيرن" حديث ,ميرهم ويّه "الكلوب".. شيله.. ينرادلك باب غير هاذي كي ترهم ويّه الطوّاطه..
والخلاصة ,"شوفلك" شركة "تستثمر" هاي السيّارة لأن ما أستطيع السيطرة عليها ..و"الحجي بيني وبينك" لا تكول لأي مخلوق "هذه الاعتراف" حتّى ما يكولون هذه قشمرنه وطلع كلشي ما يعرف بسّ يفتهم بالفرّارات وبالخبز اليابس ,و ,بالمعفّن "وراح لمّ الّلمايم علينه من برّه" كي يستلم "الورشة" ,دير بالك ؟..وما أوصّيك ..لا تعيدلي بعد هاي ,هاي القوانة مال تضربلي مثل "بالحكومة" واتشبّهني بيهم ,سمعتك أكثر من مرّة تقول: الكهرباء منكدر نديرهه نسلمهه استثمار ونوزع أرباحها بيناتنه ونفرح الشعب ,حتّى شهادة الجنسية والاحوال والجوازات ومراقبة الحدود راح تصير اشتثمار ,"اشتمرني واستثمرك خخخخخ" ..حدايق بغداد العامّة اللي هي كانت ببلاش طيلة قرون ,بصراحة محّد يدبّرهه من ربعنه أو يعتني بها "الحجي بيناتنه إحنه نتعمّد خخخخخ"! لازم تستثمر وبفلوس المواطنين أبطال الصمود بوجه أغلى أسعار مواد استهلاكيّة وغذائيّة ناريّه في العالم بضعف أسعار أميركا نفسها مع شحّة دخل الفرد لدينا ,فيستطيعون يصمدون بشكم الف دينار للنفر لدخول الحديقة ,ولا تكللي وين استثمار الكهرباء ؟ تره راح اسمعك حجي يزعّل لأن يبين اتغشّم روحك ..ألا تقل لي منذ التحرير منذ 13 سنة ولغاية الساعة لماذا "المولّدات" لم تُطوى صفحتها في عراق ديمقراطي مزدهر يضارع اليابان وجمهوريّة مالك ومالي؟ لماذا لم تتصلّح الكهرباء بدون مماطلة وهدر 36 مليار دولار ؟ لمن تذهب أموال حصيلة آلاف المولّدات بالربح اليومي من الأرباح بالملايين ؟ ..الطيّارات ؟ الطيّارات تعود لأعرق شركة خطوط في المنطقة أصبحت "فاسدة" بفضل "الدهاء حححههه" قشمروا للشعب جابوا واحد بس يفتهم بالرشّاشات واللحيم وسوّوله شكم لقاء تلفزيوني بقنواتنا اللي هيّه من أموال أخوتنه الشعب وبلّش "بالشيلمان" كل شيلمانه "أصلد" من أختها يقول للشعب أنا مهندس وتشريبچي وأفتهم بالإعلام أسمع سينما فلاش جوردن, وأشوف سمفونيات شوبان بعد كل صلاة سجّاديّة ,وشاعر ..ونوبات أدندن ,وألعب دمبلصات ..بيضوا وجهه وسلموه "الخطوط" كي "نلعب بكيفنه لعب" ,من جوّه ليجوّة كسّروا سمعة الخطوط أمام منظّمة الطيران العالميّة كي يلجأ "الشعب" لاستثمارها برضاه ..ولو راح تلعب نفسه من الأسعار بس هوّه اتعوّد عله لعبان النفس ..مو هوّه اللي انتخبنا ثلاث مرّات وكلّ انتخاب يحلف بالدبّابة وبالمدفع ويقول سوف لن انتخبهم بالجايات ويبدأ بالسيلفي يطكّ صور يعض اصابع يديه ورجليه ويمخط "عالحايط" ويتفّل وينتّف شعر راسه وشعر خشمة وشعر أبطة وبشِعِرته ,مثل المخبّل ويصيّح أويييلي اتندّمت وحق الكرّار أبو فاضل وحق موسى بن جعفر وحقّ الحسين المايعرف الذلّه وحقّ أم البنين وحقّ حلّالة المشاكل وحق وحق وحق "حييييييييل اشگد أعيادك يا وطني" ,وأحنه نستمرّ بالفساد ونفسد أكثر من الفساد الّذي قبله ولدينا كتّاب جاهزون حسينيّون أصلاء! هيجي شعب دوس عليه ولا تبالي ,يتحجّج ,يقول صدّام كان يحرمنا حقّ التظاهر والشتم العلني "ههههه" اشكد ما يفتهم صدّام وغبي وقشمر ..هسّه انطيناهم حقّ التظاهر شرط "عالخفيف" واللي "يتعدّه حدوده" موجودة الميليشيّات مستعدّين يتنكرون بدون لباس مو بس "مودة" ,ومستعدّين بلا لحيه ,"ووالله لا ألعن أبو اللحية على هذا الخير الطافح اللي إحنه بي من وره هالشعب اللي نخطف من بينهم واحد بس فقط تشوف كلهم يعزلون ويتطشّرون من التظاهر", واللي يشتم "أكو مداهمات ليليّة" بحجّة داعش بحجّة الارهاب ,قابل همّه شعب اليونان اللي يهز الكاع؟؟؟ حوّلنا التنظيف إلى شركة استثمار ومن هذاك اليوم "انلصمت" حلوق الشعب ..يا شعب ؟ هه.. ؛ چعب.. "ديطُگلنه ثنين من يمّك وكاسر" .."وينج"؟؟؟...دتعاي عاد بتّ ال..؛..ما قنعتيهه ليهسّه ؟..دتعاي عاد ويروحلج فدوه شعب هيهات منّه الذلّه "خخخهههه" ..يللّه اتحزمي ب "الوصله" خل نسكر ونخدر "ونتونّس" بأموال هالشعب العظيم.. تاج عالراس.. من "أنـ...للشعب ..خخخخخ"..

#طلال_الصالحي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات