دارميات شعبيه عراقية ....الشامت....والى أبن عبود

ذياب مهدي محسن

الحوار المتمدن-العدد: 1375 - 2005 / 11 / 11 - 11:08
المحور: الادب والفن
    

في العراق وخاصة في الفرات الاوسط والجنوب الاحمر اللغة عندهم شعر شعبي واكثره الدارمي فهم يأكلون ويتنفسون ويغنون شعرا وخاصة الدارمي وسوف اطرق ابواب كثيرة منه وحسب عناوينه وهذه اول مجموعة اخترتها عن ....الشامت.....واهديها لصراحة رزاق عبود المبدع ...وبصراحة ابن عبود
آحاه جوتني النار آحاه تجويت
يافرحت الشمات المنهه ذليت
*******
شماتي موشمات شماتي مني
ماهمني الجتال همني الدفني
*******
خل تفزع الشمات فزعه جبيره
بس أنته كون أوياي أكسر عشيره
*******
أجلد أبممشاي ناحل تراني
خوفي من الشمات مو من زماني
*******
أصفك الراح براح وأتسله بالراح
خايف أكولن راح شماتي ترتاح
*******
ميت والمعزبات موش أمهاته
بالكلب فرحانات يبجن شماته
*******
يليّ تنكط الماي غمضني وطلع
تسكتلي النسوان لا واشي يسمع
*******
حيل وبله ويه الروح كل مايجيها
حتى آنه من الناس شامت عليها
*******
أصبر واشوف شلون حكم الله وياي
خاف أمن اكولن آه تتشمت عداي
*******
أهوايه أزامط بيك أهواي كلش
لنك ويه الشمات بيدك تفلش
*******
هلهل يشامت حيل وخل يسمعونك
ضعن الأحبه شال كرة اعيونك
*******
آني أحب كل نمام جه يوشي لهواي
يحمرن الوجنات من يعتب وياي
*******
أبني وادك بالساس صار أثنعش عام
فلشه الواشي بيوم خل ترضه الاسلام
*******
لا واشي لا نمام يدخل عليه
أهلا وسهلا بيك من تطب ليه
*******
بيدي وكرضه الفار فجت عباتي
وتشمتن ياحيف أمي وخواتي
*******
ومر يوما الشاعر الكبير الراحل عبد الحسين ابو شبع النجفي في مقبرة النجف وادي السلام وصادف ان وقعت عينيه على شاهدت قبر الشهيد حسين محمد الشبيبي /حازم/فقال لصاحبه عبد علي الشرقي سجل يارفيقي
عيوني تعاين عل الدرب وتراب
وروحي مايهمها الخطر وتراب
الشامت يرى كبرك حجر وتراب
ويرى التاريخ كبرك مزهريه
*********************

#ذياب_مهدي_محسن (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات