العلوية

جعفر كمال
شاعر وقاص وناقد
(تôôèô‏ ؤôéôم)

الحوار المتمدن-العدد: 5040 - 2016 / 1 / 10 - 21:24
المحور: الادب والفن
    

يا علويه.. ردي عليّ
خلف الباب كليبي خطيَّ
روحي تولعت
بس
شويه.. شويه
يا نسمات عيوني الطافت بين عيونك
ردت تتحسس نهداتك
يمكن جَنْهَّ إتوَلْعَتْ بيّ
من شفتيني ابراس العكده
وكل الناس تشير عليَّ
هذا الشاعر طنطل ويحب الحوريه
***
يا علويه
مجنون آنه ..
لو أنتِ أنجنيتي بيَّ؟
من شفتك بعيون الكمره..
خطواتك رقصة حوريه
وأنت ولا جنكْ يا عيوني
ما تدرين..
ورد خدودك فوح عطره
من مبسم شمس العصريه
***
يا علويه..
شنهو النيهَّ؟
أدري الفارق بيني وبينِكْ
جمر ويلهث وسط ضلوعي
صرخاته بروحي إلمَّا تهدأ
تتمناج..
يلجنج زهر البريه
وانتِ الممراح السواح إبكلب طويره
نظراتك ياضيْ عيوني ادولب بيَّ
***
يا علويه
طعم شفافك لقح بشفافي الحنيهّ
شهوه وترعش هيمانه بصرخات الريه
***
يا علويه
شنهو..
وشسويتي بيَّ؟
من طبيت إبعتبت بابك
تَقْوّى وخوف وخلوة رأي
كالت ليَّ..
سبحان الخالق هالنحله
نثيه وتسبح عريانه بنور البريهّ
وأنت الورده وهذا الحبك..
سهران يلحن بأشعاره
شلون إيرسمك
إبيا صوره تضْوّين انتِ
جنك شمسه وطلت إشراق على الدنيا
من بوح أطياف الصبحيه
***
يا علويه
آنه خطيَّ
يا معوده موكافي مداره
آنه طوَّيْب
وآنه حبيب
من سكوتك
كلْ الناس اتشمتت بيَّ
***
يا علويه..
شنهو الجاره؟
يمته عيونك أتفك أسراري المحتاره
تستعصي الهمه وما تندل..
إبيا حجه، وبيا حيله، يروم اطيافك
شوفي الوحده أشْسَوّتْ بيَّ
من بعدك يانور عيوني
وحدي بها الدنيا الغداره
كل ظَّني تزفين الفرحه لعيوني الظّلت منسيه
***
يا علويه
ماجنت ادري هيج الحب ايدولب بيَّ
شوفي صدودك
مثل النار الما ترحم شبت بعيوني
ظليت ملولح بأفكاري
مجنون وداير بأشعاري
وكل الناس تشير عليَّ
هذا الشاعر..
شك هدومه
وتايه بدروب العلويه
هاها
=

*العلوية:
المرأة التي تنتمي الى العائلة التي تأتي اصولها من شجرةعائلة الرسول محمد "ص".
فالرجل يكنى بالسيد، والمرأة تكنى بالعلوية

#جعفر_كمال (هاشتاغ)       تôôèô‏_ؤôéôم#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات