ظرف خالي

حيدر الكناني

الحوار المتمدن-العدد: 5024 - 2015 / 12 / 25 - 15:10
المحور: الادب والفن
    

((ضرف خالي))

بعدني ابواهسي

وبعد بيهه عشب روحي يريد ايشب

وبعده الليل اذا وشّل

اچمله من الكلوب الماتعرف اتحب

وبعدني انكال بشفاف الهوّت والماهوّت خدي

ولا مره انخبط لوني رغم لاچمني چم مرّدي

وبعدني اتحاشه كل ثايه انخذت قبله

بعدني اكبر ابعين الطير

شجره اشما تشب تحّله

ألي عتبه

اعله كل تنور هوّت ناره الكصب فتره ومشه ابچذبه

وألي عتبه

اعله كل من ذم فراته الشال على اچتافه النخل

رتبه

يذمونك وألك چم ساجيه تغنيك

چيه فطره الحچي العدنه

كتبنه احساسنه ابكحله

ابكل حيله الدمع يركض مابهتت قصايدنه

وبيهن للمناحر حيل

چم غيمه البچت مابهت لون الليل

وچم مزنه النوت كبلي ...گبل لا يضحك اهلالي

كالولي السفر نيه

استحيت انوي ابطرگ روحي

النوت كبلي ضرف خالي

وكلت جدامي لسه هواااي

ما ذليت جاريي حدر جم كنطره وكالوا هذاك الماي

من الله شمسنه شما علت تنضاگ

ونحسب احساب الملاكه

من كالوا عليتو اهواي تواضعنه لحد ماصرنه مشراگه

وسمعنه اشكال ماگلنه

وعزبنه دفو الكل كاع حتى الماتلوكنه

#حيدر_الكناني (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات