دنيا الميكروباص .. سيستم واحد

صلاح شهاب
باحث
(Salah Shehab)

الحوار المتمدن-العدد: 5018 - 2015 / 12 / 19 - 17:55
المحور: كتابات ساخرة
    

في البداية اعتذر عن اللهجة العامية ، بس مادام بنتكلم عن دنيا الميكروباص ، ماينفعش نتكلم فصحى خالص ، فسامحوني ارجوكم، أما بقى عالم الميكروباص ده عالم غريب دنيا تانية لوحده ، السواقين فيه متسستمين على نظام واحد ، كلهم شبه بعض لدرجة هتخليك ممكن تتلخبط فيهم من كتر تصرفاتهم اللي شبه بعض ، احنا مش هنتكلم عن الحكم الغريبة اللي بتتكتب على العربية.
- احذر الوقوف متكرر
دايمًا هتلاقي سواقين الميكروباص بيقفوا كتير على الطريق وده طبعًا علشان يحملوا زيادة وكأنها علبة سردين أو حاجة زي كدا .
- نص الشارع
وطبعًا ما بيحلاش الوقوف لسواقين الميكروباص غير في نص الشارع ، وده علشان ينزلوا الركاب ويطلعوا اكيد ركاب تانية مهما مش هيمشوا فاضيين .
- عكس السير
لو السواق ما مشيش عكس الطريق خصوصًا لو الدنيا زحمة وفي التقاطعات وغيره مايبقاش سواق ميكروباص، كيف عنده انه يمشي عكس السير ن هو كدا ماتجادلش يامؤمن .
- معلش هنمون
كل السواقين بلا استثناء يموتوا في حاجة اسمها التموين في محطات البنزين وقت ما بيكون الركاب في العربية ، يعني لو ماشي فاضي مش هيمون ابدًا ماتفهمش ليه .
- دي جي المهرجانات
دايمًا السواقين بيشغلوا اغاني المهرجانات وبصوت عالي في العربية ، يعني دي جي طول الوقت، وياسلام لو راكب من الركاب اعترض بيعلوا الصوت اكتر وزي ما تقول كدا ماشيين بمبدأ العناد سيد الموقف .
- مع بعض ورا
دايمًا السواقين ماشيين بمبدأ أن الركاب هي اللي تلم الأجرة، وعلى طول ينادوا ويقولوا لم مع بعض ورا ياحضرات ، وده طبعًا بيعمل لخبطة في الحساب كتير ، وتقريبًا هما بيحبوا اللخبطة ديه .
- واحد مادفعش
لازم السواق طول الطريق يفضل يهاتي وينادي ان فيه واحد في العربية مادفعش مع ان الأجرة تقريبًا بتبقى اتلمت صح ، بس هو طبع ومش هيغيروه .
- الباقي في جيب السواق
طبعًا السواق لازم يخلي بواقي الفلوس معاه طول الطريق، ما تفهمش ليه ن بس هو كدا، ورغم انه لم خلاص اجرة العربية كلها بس لازم يخلي معاه باقي فلوس الركاب لاخر الخط .
- الدنيا مرجيحة
لازم السواق يمرجح الركاب طول الطريق وياكل كل المطبات اللي في الشوارع وطبعًا زي ما انتم عارفين شوارع مصر كلها مطبات، لدرجة ممكن تخلي كل حاجة في الميكروباص تتحرك ماعدا كوباية الشاي بتاعة السواق .

#صلاح_شهاب (هاشتاغ)       Salah_Shehab#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات