ارحمونا من المزاودات والشعارات

جان نصار

الحوار المتمدن-العدد: 4994 - 2015 / 11 / 23 - 18:00
المحور: كتابات ساخرة
    

احنا الشعوب العربيه شاطرين بالمزاودات والشعارات وبعيدين عن الواقع وشعورنا الانساني بس لجمعاتنا هدا اذا في عنا شعور انساني. اذا اضامنا مع اي شعب غربي اجنبي اسيوي هندي لاتينوامريكاني او حتى صيني ياباني بشي مصيبه كارثه زلزال اعصار عمل ارهابي بنزلوا فيك طس بمزاودات وشعارات وعنتريات وفشخريات وهوبرات ليش حضرتك نسيت وتجاهلت عن كذا وماذا وعزا وجزا وطزا.
اضامن البعض منا من كتاب وجمهور ومتابعين وانسانين مع الشعب الفرنسي بعد الهجوم الارهابي الداعشي ومقتل اكثر من129 مواطن بريئ واستنكر وشجب وادان. والبعض ادان وشجب مقتل ضحايا الطائره الروسيه ال224 بريئ اللي راحوا ضحية عمل اراهابي داعشي البصمات والبعض منا اتأثرا بضحايا اعصار كترينا او روجينا او اعصار صبرينا او اعصار مرينا مش مهم المهم التضامن والشعور الانساني برافق البعض منا وبكتب او بتأثر وبنفعل وببدي تعاطفه.
وتعال اتفرج يا ابو الحبان على المواطن العربي التعبان كيف بظهر وبيبان وبصير عليه الامان وبدو منا انو نكون عميان وطرشان وخرسان ما نكتب عن مأسي وكوارث كل انسان اذا ما كان عربي اللسان.
مثلا البعض بقولك ليش يا خوي ما حدا مات وانقتل غير الفرنسين وما حدا مات بعمل ارهابي غير الروسين ليش ماذكرتش الفلسطينين والاخوان المسلمين ومقتل اللبنانين والعرب والمسلمين في حروب الصلبين .وليش ماذكرتش الغرب والامبريالين وحروبهم في بلاد المسلمين وليش وليش وليش
مشان الانبيه والرسل والملايكيه وكل شيء بتأمنوا فيه اكم مقال وشجب وادانه كتبنا عن شهداء فلسطين وضحايا الارهاب في العراق وسوريا ولبنان وليبيا ومصر واليمن والسودان اكم مقال كتبنا عن الحرب السوريه واختها اليمنيه و و , يا عمي مجلدات من المقالات والكتب واحنا ليل مع نهار منلطم ونشجب ومنصرخ ومنولول على فلسطين مجلدات عن الحروب الصليبيه مقالات عن الهينمه الامريكيه .
يعني في كل مقال تضامني انساني بتنزلوا فينا رقع وطقع ليش مقالك يا كاتب متحيز وغير متميز ومش شامل ومش كامل واهتمامكم بالغرب هو عباره عن دموع تماسيح وكمان بتكيلو بمكيالين وعندكم كل شي فرنجي برنجي وما في عندكم شعور وطني وديني واخلاقي وادبي ومادي ومعنوي كل هاد وهات يا مزاودات وشعارات على خلقة مقال لاجاب ولا عاب.
على فكره ارضاء كل الناس هاي حتى الله ما قدر يرضيهم.
يا جماعه المقال هو عبار عن ارسال رساله او طرح فكره او تضامن وتعاضد او اشاره وهمزه ولمزه لشي موضوع او حدث او ابداء رأي ووجهة نظر بالمختصر هو ما قل ودل مش دراسه ولا موسوعه ولا مجلد ولا تاريخ.
يعني ما في مشاكل وقضايا وتضامن غير مشاكلنا وقضايانا.
البعض علق على السعوديه ليش اضاءت برج بالعلم الفرنسي وبعض دول الخليج حذوا حذوها.
يا عمي السعوديه غير وتضامن هاي الدول الغرض منو سياسي وتمويه وتغطيه على افعالهم ممارساتهم, اكتر منما هو انساني .السعوديه كحكومه مش مضامنه مع شعبها فكركم انها مضامنه مع الفرنسين هاي مزاوده وابعاد شبهه وامتصاص نقمه.
السعوديه مثل اللي بقتل القتيل وبمشي بجنازته .ما همي اكبر داعم للارهاب ماديا وعسكريا ولوجستيا وفكريا .والكل صار عارف دورها هي وقطر وبقية دول الخليج بدعم الارهاب.
يعني لولا السعوديه ودول الخليج بدعم من الغرب كان في عنا ارهاب وارهابين .اكم سعودي كانوا في ضرب برجين التجاره في نيويورك.
احلى نكته قال السعوديه تتبرع ب120 مليون دولار دعما لمكافحة الارهاب و120 مليار لممارسة الارهاب نسبه وتناسب.
يعني المطلوب من العربي ان لا يتاضمن مع اي انسان غير عربي ومسلم وهاي الاحاسيس والمشاعر والعواطف والبكاء واللطم والعويل يخليهم لشعوبنا وما يفرط فيهم ويوزعهم على اللي بسوى وما بسواش وعلى شعوب الارض و يقولولنا اننا قريه كونيه ومشاعر انسانيه لانه في اللحظه اللي بيتضامن مع غير العرب يستلقى وعده ويتحمل مزاودات وطخطخه وجعجعه وشعارات.
اصلا لشو التضامن والمشاعر والعواطف والاحاسيس. احسن شي انو العربي يكون بليد المشاعر وفاقد الاحاسيس ويمشي على شعار فخار يكسر بعضه واللهم نفسي.
العفو منك حضرة الكاتب دايما بتكتب عن الانسانيه والانسنه والتضامن والتسامح وقبول الاخر المختلف وبتتحدث عن الخير كنو ما في عندك ولا شغله ولا عمله.
حل عنا يا انت وافكارك الفارطه اللي بتكتب عن الحريه والعداله الاجتماعيه والديمقراطيه.
في اشي كتير غلط في جيناتك اكيد انت مش عربي انت مجرد انسان عندك اوفردوز من المشاعر والاحاسيس ارجو ان تراجع اقرب مختص لمعاجة حالتك الخطيره والتي قد تعدي البعض من الناس.

#جان_نصار (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات