كل 14 تموز اتمنى ان اكون فرنسي

جان نصار

الحوار المتمدن-العدد: 4866 - 2015 / 7 / 14 - 16:21
المحور: كتابات ساخرة
    

اتمنى ان اكون فرنسي
يوم 14 تموز هو يوم مميز الي لانه بهذا اليوم في ال1954 الو(قالو) الناس لامي مبروك اجاكي صبي .مش فاهم على شو مبروك ,على هالتخلفه والا النضوي او الشمعه كان استنوا شوي تاتشفوا شو راح يطلع منو هالصبي. فص كر لا بنفع ولا بضر هيك كانت تقول الست الوالده وبصراحه صدقت
في عام 1789 سقطت قلعة وحصن الباستيل واللي كان ىشرارة اندلاع الثوره الفرنسيه والتحرر من سلطة الدين وعلمنة اوروبا .يوم الدوله الفرنسيه الفيدراليه (لا فتي دي فيدريتو.... اللي فكرتها شي طبخه والا اكله) وبالانكليزي باستيل دي وهو يوم عطله رسميه لدى الفرنسين.
يمكن تسألوي ليش تتمنى تكون فرنسي ؟اول اشي مشان اكون انسان حر.وتاني اشي مشان اشعر بادميتي وانتمائي للعالم المتحضر.وتالت اشي مشان الفرنسي المولود بفرنسا بهذا اليوم معفي من الضرائب طوال حياته.ومشان يلتوق حنكي واحكي فرنسي ولان الفرنسيه لغه نسوانيه ومحسوبكم بحب النسوان وكمان مشان الكروسون والباغيت وشوربة البصل اللي ما بحبها واكل الضفادع اللي ممكن يجيب اخرتي.
تخيلو يوم 14 تموز شو مهم لانه كمان قامت ثورة العراق عبد الكريم قاسم عام 1954واسبشرنا كل القوى الوطنيه والتقدميه بهاي الثوره وقولنا يللى فرجت وجائت بعد اكثر من 100 وسبعين سنه من الثوره الفرنسيه وقلنا هم السابقون ونحن اللاحقون يمكن تتحرر بلادنا وتتعلمن اوطننا ونتحرر من الدكتاتوريه والاستبداد ويا فرحه ما تمت بعد ىشي سنه تعلقت المشانق من جديد وسحلت جثة عبد الكريم قاسم في الشوارع وسالت الدماء ولم ينعم العراقين ولا الوطن العربي لابشرارة امل ولا بجرعة حريه.
وتعالو تفرجو اليوم الاوضاع والاحوال, دخلنا في نفق الكبوه الدينيه والارهاب والفقر والبطاله والتخلف ومتمنى نكون من البشر.
صار الواحد فينا يروح على الشغل او خارج بيته ويودع اهله ويكتب وصيته لانه بجوز ما يرجع الا محمل او ما يلاقولو اثر اذا تفجر من شي انتحاري مستعجل بدو يلاحق النسوان بالجنه احسن ما يخلصو ويقولو ربنا سوري اسفين نفقنا البضاعه ما في نسوان ولا حور العين لان الحموله واعداد الشهداء صارو بالملاين.
ليش بتمنى اكون فرنسي كمان,مشان ولا حدى يسألني وين راح ولا من وين جاي وشو ديانتك واكم ركعه بتصلي ومرتك محجبه والا لاء وبتصوم برمضان او بتراعي شعور ومشاعر واحاسيس المسلمين.والله مسيحي والا مسلم والا يهودي وشو مصير ك يا كافر الجنه والا النار و و و و .
على فكره كنت لقبل سنتين تلاتي اتمنى ان اكون فرنسي بس اليوم صرت اقول ماهو حالهم صار زي حالنا لا اللوفر ولا الشانزلذيذي ولا برج ايفل ولا الحداثه ولا التنوير ولا مواثيق حقوق الانسان والحريه ولا ولا ,,,,,,,,,,,نافعهم الارهاب اللي طيلنا صار طايلهوم ومع ذلك همي بضلو من البشر وشعوبنا بعد البقر ب100 سنه سفر.ختاما صار لازم اشرب كاسي الوسكي مع التلج ولو اني مش بتمام الصحه بس لا بد منه. ما بدي انهار من الخمر بالجنه فوق بكفيني كاس لالي ولهالوطن وبصحتكم جميعا .
صدقوني عارف اني رايح على جهنم مشان هالكاس وربنا راح ينسى كل انسانيتي واخلاقي وفضيلتي مشانو(لهالكاس)بس ما بغدرش(لا استطيع)بدي انسى وين الله حاطتني.
كل ثوره وانتم بالف ثوره وبعدها كونوا بالف خير.

#جان_نصار (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات