قصيدة للشهيد نافع عبد الرزاق الحيدر

سعدي جبار مكلف

الحوار المتمدن-العدد: 4848 - 2015 / 6 / 25 - 09:10
المحور: الادب والفن
    

الخالد نافع عبد الرزاق الحيدر
لكم يا من أعتليتم المجد وصعدتم أعواد المشانق يامن زرعتم الخوف في قلوب الجلادين لقد كتبت أسمائكم في الاعماق أنكم ذهب الخلود يا أبطال ....
يظل نجمة الغبشه
كل فجر طالع
شمس وهلال ضوه الكون
حط روحه أعلى چفه أيصيح ما بايع
شهيد أمخاوي النجمات
يا نافع
يانجم الوفه الساطع
ما رفت الشفه يوم
ولا سال الدمع فازع
شراع أ يصارع الطاعون
نيشان الشهاده أنجوم
ما سامع
هم سامع نجم راكع
شد احزام وأحزامين
گصد درب المنايا أبزود
ماتايه ولا ضايع
رسم يم الثريا اسمه
ذهب ومعطر أبليلو
شهم ومعدل الچلمه
ذهب ما قدر الميزان
ميزان الرجوله أحتار شيلمه
شهيد وحنه الدنيا
أخذ حفنة أتراب من الوطن شمه
ولچ يمه عزيزه الروح
ماتنذل
يظل أمناطر أللمه
أهو أزماط ربعي أزماط
موش الچان ...ياهو الچان
يحضن موزره أيضمه
ما ينسه حليب أمه
ياهو الچان دك صدره
گال أنا الوفي الخاله اوعمه
گصد أجبال كردستان بيرغ صاح هذا أنا
يهلهل موزره أبهمه
أمعدل يا شبل حيدر
يا صگر العلالي الما بخل دمه
أشد رجلي على الاشجار
أخاف أتعز عليه الروح
وأرجع خايب الچلمه
ما خلي الجفن ملچوم
يلهث يلهم أبسمه
ولك خويه ولك نافع
غم العين لو تدمع
تخاف البين
وغم الشفه لو ترجف
أذا صاح المحتم شين
لا يبني
أعرفك زين سيفاً زين
أريدك دشة أمعرسين
زفه وعيد
هلهوله لعرس أذار
زفة أسباع
زفه لگاعنا المشراگ
ها يبني يا لمدلل
چا ألمن أدير العين
يوليدي الشرف واحد موش أثنين
يوليدي الشرف مو گشمره وتلوين
لا يبني الشرف ماينشره بالدين
لا يبني الشرف من گال هذا أنا
وحط جسمه جسر أيواكح الصوبين
لا يبني الوفي من گال هذا أنا
وحط عمره على الچفين
الوفي من شال راس أمه
وی-;-ثغب حيل يعراگ الوطن
يعراگ
هذا أنا
عد عيناك جيتك شاده أحزامين
أخ ....الاخ
يبعد الاه والسامع
عمت عيني على الزينين يا نافع
يبعد الاه والرادود والسامع
لا يمه
دمعتي وحيلي وتعبي
عباتي وشيلتي وهدمي
ومن أجو ربعك عليّه
كل سنه أبأذار أشموعك ضويه
گالوا أبنچ شال راسچ
هو موبس أبني هوه
أبن كل الناس هاذي الوفيه
أبن دجله ...أبن الفرات
أبن بغداد الابيه
أسمك أبكل النجوم
أيصير للدنيا شمس
يوم جابولي سند حق الشهاده
وليدي حگه أطبول وشموع وعرس
أصبح شمس
خلي أصيح بصوت عالي
حدي الگطع النفس
أوليدي عفيه
ما خذل أربات أمه
وعاش أبذل وخنس
خلني أهلهل صوت عالي
خلني أشگ چبد السمه
هذا أبني الما خذل ربعه
ورفاقه وعينه عيب أمسلهمه
خلني أثغب
خلني أزفه
خذني أنا أوياه وألله أمولمه
أمحزمه ...أمحزمه
شلون دنيا أمحزمه
خلها أتسيح الدمه
أنجوم ..لا أشموس
أشموس ومضويه السمه
وخلها أتسيح الدمه
22-2- 2014
أستراليا سيدني

#سعدي_جبار_مكلف (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات