قصيدة الراح راح

سعدي جبار مكلف

الحوار المتمدن-العدد: 4807 - 2015 / 5 / 15 - 13:59
المحور: الادب والفن

الراح راح
طابت الجروح ولكن لا أنسى من جرحني قمة المأساة أن نشتاق لمن لا يشتاق لنا قمة الضياع أن نكتب لمن لا يعرف القراءه ونبكي على من لايملك دموع ....لمن السماح للايام التي ضاعت .........لن أسامح
جاي من تالي ولك تطلب سماح
جاي من تالي تگلي الراح راح
خلي نبدأ من جديد
خلي حبنا أيصير غبشه لكل صباح
الراح راح
راحت الدنيا وجت
أحسبها غلطه
أحسبها عثرات الوكت
أحسبها عثرات العمر
خل نستراح
ألله يالحن الحزن
لحن الربابه التاه
وي أسنين عمري الخلصت أبنوح وصياح
أتريد تنده هالجراح
نگش أيدك كلشي عندك مستباح
أخ وعيونك رصاصه أبلا سلاح
جاي تطلب طيب أهلنا
بديرة الغربه وظلام
أمحزمه وكل شي بيها
الراح راح
حشت عمري
حشت عثگ أبريم غربه
وهسه أتگلي السماح
يا مناحة دمع عيني
ياسماح
السماح أيرد ألي أعيوني العمت
لو يدليني طريقي البيه تهت
لو زماني الخان بيّه
صرت مجنون وهمت
لو يردلي أيام عمري
لو ينسيني الهلاهل طاح طاح
صار مگطوع الجناح
أدري بعيونچ أوكاح
صرت ديرم زفتك
أثغيب عصريه ونواح
راحت أعيوني وظلام ألليل چلچل
فرفحتها أعله الدروب
وزعتها أ بصمت سکته للغرب
قسمتها أو ما عرفهم
مو گرب
هم تردلي ألانتظار
شوف حالي
هم تعوضلي سهرذيچ الليالي
الضاعت الغبشه عليها
وشكبنت لوعات هجرك
وضيم فرگاك الجرالي
سنين لوعات ومرار
وچنت أغلس بالمحطات البعيده
أستحي من صوت اهلي
ينشدوني
ها ولك صار النهار
يا ورد جوري وبنفسج
يا عطور الجلنار
شنهي صار
ما تگلي شنهو صار
روح أنسى
وعطب أگليبك أبنار
أردس أبحرگه وشماته
وشيل بيرغ الانتصار
لا تفكر شنهو صار
أنته ذاك أنته نبع ماي وزلال
ماي دجله والفرات
غنوة البلام من يحضن حبيبه
وصوت ناي الحضن جرحي
راح ينشد للديار
وهم ترد لي شنهو صار
الصار ......صار
أشلون أسامح
أشلون بالسيف الچتلني
دمي يجري وبعده حار
ونصبت ديوان حزني
والدمع ترس أنهار
ما حوتني دروب بصرتنا ولا سچة المعقل
صرت تايه مالي دار
وفاحت الغبره
نذبها أعله الوكت
الصار صار
عوسرت لعبة أقدار
وك شنهو أداوي
شنهي وحده اثنين
لا تسطرلي سوالف الاعتذار
ولا تظل تشرح أعذار
أسرار أسرار
روح أجرعت الصبر
وأتعودت هذا القرار
سعدي جبار مكلف
سيدني استراليا
مشفى الرهاب غرفه8

#سعدي_جبار_مكلف (هاشتاغ)

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات