عرس الدم

كريم ناصر
(Karim Nasser)

الحوار المتمدن-العدد: 4791 - 2015 / 4 / 29 - 08:19
المحور: الادب والفن
    

واشلون انسه أنهار الدم
منهو اليكَدر يقره الدم؟
إنطيني إهلال وبيرغ أحمر
إنطيني إولايه لروحي الضاكَت ضيم الغربه بليل امدلهم
إتظلّ اتلوب
إبلايه اذنوب
يا من خلكَك خلكَـ ايوب
يا من شلت اهموم الدنيه ولوم اللايم
الغيم إينوح
إتهيم الروح
يا ما شفت اشكال إجروح
ويا ما كَلبك يمطر دم
***
كَلي أو روحي وروحك/
منهو ايشلّ انزيف اجروحي
ومنهو ايلم اجروح اجروحك من الدم ابيت الدم؟
إعلكَلي إشموع
إعلكَلي الكَمره
إبسد الكَمره اتخضّر ورده
ها يا نهر تريد اسيول
إولاية دم
إبخد ابلادي اسيول اتفيض بلون الدم
إشمحله اعيونك تنزف هم
إشمحله ادروبك يا بو اخدود اتكطّر دم
هو الشايف بحر الدم ايهاب الدم
هو الشكَـ نهران الخوف اشلون ايخاف الليل الأظلم
جرحي إيهون
وجرحي إيهيد
وها هي اجروح جروحك غضّه وما تلتم
وك شنهي ولا نسكت مره وللعايل مو نطلب دم
وك عمري ولا يندل موت
إجفوف اتمزّكَـ وجه الحوت
هبّ يا إنته الريح إتلالي
وكَاع الله اتبوس الأطفال المجروحين
وكل دشداشه اتنث اهموم ابعيد الدم
سجّل يا تاريخ بكَلبك
بغداد ايعزّمها السيل ابعرس الدم.

#كريم_ناصر (هاشتاغ)       Karim_Nasser#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات