عن الوحدة

أحمد سعده
(أيمï آïم)

الحوار المتمدن-العدد: 4721 - 2015 / 2 / 15 - 11:41
المحور: الادب والفن
    

إهداء من قلبي، إلى من يشعرون بالوحدة...
لما تحس بالاشتياق للآخرين، فأنت وحيد.. لكن لما تحس بالاشتياق لنفسك وتسعد وتأنس معاها فأنت متميز..
ولما متعرفش تصاحب نفسك وتستمتع معاها، بيبقى غريب جدا إنك تتوقع من الآخرين إنهم يستمتعوا بصحبتك، ولو خابت توقعاتك تحس بالألم والمهانة..

لو قدرت تقضي ساعات مع نفسك في طهر وتوحد وخشوع وصفاء بدون أي هلاوس أو وساوس أو أفكار، هتكتشف نفسك وهتلمسها وهتحس إنك مع الوجود.. ووقتها بس هتزورك النشوة وهتملأ روحك لتفيض بالمحبة.. وتلك المحبة تنعكس على علاقتك بكل اللي حواليك وبأحبائك، ويكذب عليك من يقول أنه يحب وهو حتى لا يستطيع أن يشعر بالمحبة بينه وبين نفسه..

والوحدة اللي أقصدها مش اللي انت فيها بتعاني وتحس عادة بافتقادك للآخرين، لكن أقصد وحدتك مع الكون، وخشوعك الواعي لله، وإبحارك في أعماق نفسك وروحك وعالمك الداخلي..

علشان كده لو كنت مستعد لتقبل وحدتك، والصفاء مع نفسك، بدون هروب للماضي. فأنت الآن في طريقك للتوحد مع الكون.. ومن وحدتك وتوحدك مع الكون، تكون في أول طريقك إلى الله..

الوحدة مش مجرد بؤس وشقاء وإشتياق للآخرين، لكن الوحدة صلاتك وتعبدك وتطهرك.. الوحدة هي حقيقتك.. جيت للدنيا لوحدك وهتخرج منها لوحدك.. ومش هتحس بالمعاناة غير لما تحاول تهرب من حقيقة وحدتك.. علشان كده كل اللي إنت عايشه من علاقات وصداقاتك مجرد مخدرات بتساعدك على الهروب..

افتقادك الدائم للآخرين هو الوجه المحبط، والمعنى السلبي للوحدة. هو الحزن وغياب الآخر اللي إنت عايزه جنبك ومشتاقله ومش لاقيه. دي وحدة بعيد عن الوجود.. لكن الوحدة مع الوجود هي الوجه الآخر الرائع والمختلف، حضورك بيكون إيجابي، خيوط النور الإلهية بتحاوطك وتقتحمك، لأنك هاهنا تفتقد نفسك وتشتاق إليها وليس للآخرين..

ودي فرصتك علشان تلاقي روحك الضايعة منك وترتقي بها لفوق.. فوق. فوق، من غير ما حد يزعجك، أو يحبطك، أو يرميك لتحت في الدنيا وهمومها.. وطالما غاب الآخر وأنت وحدك فلا معنى لكل الفوارق. لا معنى للغنى أو الفقر، لا معنى للنوع أو لون البشرة أو الشكل..

ولما تشتد وحدتك وصمتك، فاعلم أن أفكارك ستغادرك وترحل، ومشاعرك سترحل، وانفعالاتك سترحل، ولن يبقى غير كيانك الطاهر النقي.. سيتساقط كل الأشخاص من أفكارك، وتتساقط كل اللغات من قاموسك. لتزيد فرصتك في التناغم مع لغة الوجود، لغة الله..

وقتها فقط ستتعلم وتفهم لغة الصمت، لغة التأمل.. وقتها ستتعلم لغة الأنبياء والحكماء..

إهداء من قلبي إلى من يشعرون بالوحدة..

#أحمد_سعده (هاشتاغ)       أيمï_آïم#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات