گَرْوِطَوْ حتى إعظامِنَه

ميسون نعيم الرومي

الحوار المتمدن-العدد: 4705 - 2015 / 1 / 31 - 02:45
المحور: الادب والفن
    

( ذاكْ چـيـري اوذاك أنـَــــه )
راحـَـت سـَـنـَـه اوجـَـتـّـي سـَـنـَـه

مـَـشـبـوحـَـه عـيـنـي اوأنـتـِـظـرْ
مـامـِش نـِـفـاهـَـه اولا هـَـنـَـــه

والروحْ مـَـچـبـودَه چَـبــِــدْ
صارَت ارْمـاد إبـــلا مـنـىَ

أيـَّـسـنـَـه .. يادنـيـه اشـبـقـَـه ؟
لجـروح ضيـمْ إمـخـَـزّنـَـه

لوجـوه بـَـدْلوهـَـــه اشـكـثـــرْ
إشـحـَـصـَّـلْ شـَـعـَـبـنـَـه واشـجـِـنـَـه؟

عـيـشـَـة مـَـذَلـَّـه يابـَـشـَـــرْ
شـاع الفـگـرْ مـاكـو غـِـنـَـه

يـَـعـراق أمـراض اشـكـثـرْ
والمـوتْ عـَـشـعـَـشْ عـنـدِنـَـه

ذَبــّـــوْ نـِـفـايـاتْ اشــــكـثــرْ
البـَـلـَـدْ كـلـهـَـه امـسـَـرْطـِـنـَـه

اتـبـَــــدَّل اجـلال ابـعـِـدلْ
إنـجـازْ .. بـاگـَـوْ نـَـفـطـِـنـَـه !!

بـَـطـّـالـَـه ماعـِـدْنـَـه شـغـلْ
نـجـمـَـع انـلـِـمْ ابـدَمـِـنـَـه

واطـفـالـنـَـه شـَـلـْهـَـه المـَـرَضْ
و المـَـرَضْ كـل دايـر سـَـنـَـه

وارجـالنـَـه مـاتـَـت غـَـدرْ
حـسـبـو تـَـعـالو ايـتـامـِـنـَـه

زاد التـَـخـَـلـّـفْ والفـقــــرْ
والحـِجـَّـه داعـش عـنـدِنـَـه

ماكـَـفـَّـت احـْـروب الگـَـبـلْ
العـذر صار ابـْـجـيـبــِـنـَـه

إخلـَـصْنـَـه مـن حـكـم الفـَـردْ
أحـزاب هـجـمـَـت دارِنـَـه

جـرّادْ هـِـجـْـمـَـو عَ البـَـلـَـدْ
گـَـرْوِطـَـو حـتى إعـظامـِـنـَـه

مـَـقـْـبـَـضْنـَه بـَـس حچي اوهـَـفـتْ
تـَـنـفـيـذ ماكـو اشــنـابـِـنـَـه

( ذاك چـيـري اوذاك أنـَــــه )
راحـَـتْ سـَـنـَـه اوجـَـتـّـي سـَـنـَـه
**********************************************
كانون الثاني / 2015
ســـــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات