هاجس بيخوفني

خوله محمد المنيزل

الحوار المتمدن-العدد: 4606 - 2014 / 10 / 17 - 00:03
المحور: الادب والفن
    

- خوفك دا من البدايات غير مبرر اساساً
- هو مش خوف من البدايات ,الموضوع انه البدايات ما بتبهرنيش
- احلى حاجه هيا البدايات اساساً
- البدايات دائما مزيفه ,لانها متغطيه بفرحه بشيء جديد ليه بهجه
- عشان كده انتي خايفه تبتدي ؟
- لا الموضوع مختلف
- الي هو ؟
- لاني ما عرفش حقيقة الي جواي بالزبط
- تشتاقيله
- بفتقده
- انتي بتحبيه ؟
- بيعجبني حواره مع عقلي,هو حد مختلف شوي
- ازاي ؟
- حد بياخد اكتر ما بيدي ,ما عرفش عنه الا الشيء الي هو عاروز يقوله
- ايه اكتر حاجه بتعجبك فيه ؟
- تعرفي في حاجات غريبه بتحصل لما بشوفه ,دايما بيجي بوقت مش متوقعه ,بحب حالة الدهشه الي بتصبني وبحب اشوفه وهو مبسوط انه يفاجئني بحضوره , ارتباكي دا محيرني ,وبعد ما يروح بتصبني كآبه غريبه بكون عايزه اعيط بقوه لاني مش فاهمه
- ما تساليه ؟
- نعم !
- اه صارحيه ,اساليه هو حاسس ايه اتجاهك ,عاوز منك ايه
- ماقدرش اساساً انا نفسي افهم الي جواي قبل ما افهمه ,وبعدين ماعرفش جواه ازاي بيفكر ,وانتي عارفه البدايه على الطريقه الشرقيه والتقليديه هيا مفروضه عليا وعليكي وعلى كل بنت لانه ممكن يفكر بالطريقه دي.
- قصدك هو الي يبتدي
- بالزبط عشان الراجل عندنا بيتغير ويتطور من بَرّا بس , وبيقنعك انه حد متحضر وما بيفكرش بالطريقه الساذجه دي بس ما تصدقيش كلهم نفس الطينه.
- بتحسي ايه لما تشوفيه ؟
- خليط غريب جدا من المشاعر , بيحتويني جدا ,بيحاول يخلي الحوار عن اهتماماتي دايما ,تعرفي في اوقات هيا اقل من الثواني بيركز بعنيا بشكل غريب حاجه غريبه توصلني هنا , بيحب طريقتي بالحياه بس ما بعرفش طريقه حياته عامله ازّاي!
- يمكن يحبك
- وممكن لا , لو جمعت كل دا ممكن يكون اعجاب بطريقه شخص بالحياه ,يمكن يكون ليه حبيبه تستناه ويحسها
- بتعشقي النكد انتي ,خايفه تفرحي
- لا ,اصل انا تعودت اكون لوحدي دايما ,محدش يسألني انتي فين ؟ انتي وحشتيني , محدش بص بعنيّا بيوم وقالي انه بيحبني ,لما تعيشي حياتك لوحدك محدش بيساعدك لما تحتاجي ,محدش يطبطب عليكي لما تعيطي ,محدش يفتقدك لما تغيبي ,لما تنوجعي محدش يلمك في حضنه ,ويجي حد يخلي قلبك يدق حبتين تتفأجي ويبقى حاجه غير اعتياديه ليكي ,تخافي تستطردي بالموضوع عشان ما تنوجعي ,عشان إنتي حد مش متعوده عَ حَد يحسّك أساساً
- وانا معاكي !
- مليش غيرك
- طيب حاولي تطلعي من خوفك وقرري انك تبتدي
- خايفه اتوجع و منيش قد الوجع .
-يعني انتي عايزه نتيجه بلا ثمن ؟ والا انتي مش قد الخوف ؟
-مش قد الخوف ,عشان أنا مش حمل خساره

#خوله_محمد_المنيزل (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات