كاتلوج

خوله محمد المنيزل

الحوار المتمدن-العدد: 4596 - 2014 / 10 / 7 - 09:32
المحور: الفلسفة ,علم النفس , وعلم الاجتماع
    

_انتي نكديه كدى ليه
_مافيش
_ازاي والحاجات الغريبه الي بعنيكي ؟ ساعات بشوفها حاجات حنينه وساعات شريره ممكن تولع الكون بلي فيه
_ أصل مافيش ، بس بفكر
_بأيه ؟
_هو انت لحوحه كده ليه !!! معرفش والله مافيش حاجه معينه ، بفكر يمكن بحياتي بالعموم والتناقضات
_ايه دخل حياتك بالتناقضات !!!!
_أصل الحياه كميه من المتناقضات بتجتمع سوا وتعطي بالآخر شخص أو حياه أو أفكار. ...
_مش فاهمه
_متحطيش ببالك
_يوووه طيب يختي "حبه حبه يا علام"
_حاضر
_تفضلي
_خلال الاجازه فكرت في حياتي وايه بحب وايه بكره وعايزه ايه و حوصل لفين
_اها
_تعرفي اني ما عنديش صحاب ، ما بخرجش زي البنات ، مابروحش اعمل shopping ، ولا كافيهات ولا حتى بضحك بسهولة ، مشيتي سريعه جدا زي العسكر
_طيب
_ما بقعدش أحضر فيلم أو مسلسل بحضر برامج حيوانات وبرامج سياسيه ولا افلام كرتون ، أصل لما بتآخر ما بيقلقوش عليا ما بيخافوش !!!!
_ وانتي زعلانه ليه
_انا مش زعلانه ، انا بفكر بحياتي اني بعشها زي ما غيري عايز ، أصلهم رسمولي حياه وانا بعشها ، انا بالصدفه عرفت اني حد موجه ، رسمولي الطريق وانا بمشيه ، تعرفي أن الحد الي بفكر ارتبط بيه ما بحبوش ، بس حاوافق عليه عشان هو حيرضيهم ويشبههم ، وأنه أفضل حد من العينات الي بيفرزها المجتمع الي انا فيه ، أصل انا بعد 28 سنه اكتشفت اني قراءات حوالي 500 كتاب ! تخيلي !!!!!! ليه كتب؟ عشان هما عايزين نموذج مزبطش مع أخواتي الشباب والبنات ، لكنهم طبقوه عليا ، المدرسه الجامعه الشغل ، كل حاجه كل حاجه هما اختارواها لي ، وأنا زي التوتو ، كنت فاكره اني حد ناجح ، بس اكتشفت اني حد ليه كاتلوج
_ازاي ؟؟؟؟؟؟
_ معرفش ، جد ما عرفش، بس انا كمان اكتشفت أن شغلي اللي كنت مفتكره انه حلم حياتي ، هو أساسا حاجه هما عايزينها عشان مستقبلها رائع ومشرف ، وعشان يتباهو بيا
تخيلي أكلي الصحي ، نومي ، طريقه لبسي ، حب القراءاه ، الحياه الاجتماعية الزيرو، علاقتي بالجنس الآخر اللي بيعاملوني دايما زي اختهم ، الاجازه الي بقضيها نوم وكتب، احاديث البنات الي بكرهها ، حب العيله اللي جواي ، ؛؛؛؛؛؛؛؛؛ كل دا هو انا ،،،،هيا حاجات انا وجهت ليها انا ما اخترتهاش ، الحاجات دي هيا مكتوبه بالكاتلوج الي كتبوه قبل ما اجي على الدنيا
_مش للدرجه دي يابنت
_اصل انتي مش فاهمه ، ايه يعني حياتك فاضيه مفيهاش حاجه تنحس، تعرفي نفسي أحس بخوفهم عليا ، نفسي أحس اني قادره اتهور واعمل حاجه خارج الي رسموه ليا ، نفسي أحس قلبي بيدق لراجل وما يعتبرنيش أخته ، نفسي أوقف قدام المرايا واحد الكحل بعنيا عشان طالعه بالسرقة اقابل الراجل اللي معرفش إزاي عايزاه يكون

#خوله_محمد_المنيزل (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات