قاسمْ .. صَرَّحْ

ميسون نعيم الرومي

الحوار المتمدن-العدد: 4586 - 2014 / 9 / 27 - 13:38
المحور: الادب والفن
    

قاسـمْ .. صَـرَّحْ
ميسون نعيم الرّومي

اتـْـقـَـهـْـقـَـرْ واتـْـقـَـدمْ ( داعـشْ )
يـهـْجـمْ داعـشْ يـذبـَـحْ داعـشْ
دولـَـه اوصارتْ تـحْـكـمْ داعـشْ!
واحْكومَـتـنـَه نامَـتْ نـومَــه
لو گـِعْـدَتْ .. اتـْگـومْ اتـْهـامِـشْ
امصيـبَـه ابْـكـلْ لـَحْـظـَـه اتـواعِـدْ
واقـْـبـضنـَـه بَـسْ مِنـْهـَه المامِـشْ
و(اقـْـويَـسـمْ) تـَـصْريـحَه ايـچَـذبْ..
شـرْدَتْ داعـشْ
اتـْـقـَـدمْ و اتـْـقـَـهـْـقـَـرْ داعـشْ
***
شـَـعـبْ اويـحْلـَـمْ .. ياكـلْ لـَحْـمَـه
مـوتْ اوجـوعْ اوصايـرْ سَـهْـمَـه
نـَـفـْـطاتـَـه اعْـليَـه .. صارَتْ نـَـقـْـمَه
وامْـريـكـَـه .. اوبـالشـَـعـبْ اتـْـهَـدم
واتـْـدورْ عَ اللگـّـمَـه الدَسْـمَه
واتـْـفـَـلـِشْ بـبـيـوتْ الفـقـْـرَه
يـا سـودَه امصَخـْـمَـه اوهـالـقـسـمَه
امـفـَـرفـِـشْ نـايـبـْـنـَـه اوعـايـشْ
( اعْـطـَـيـوي ) ايـصَرّحْ :-
شـرْدَتْ داعـشْ
اتـْـقـَـدمْ و اتـْـقـَـهـْـقـَـرْ داعـشْ
***
الـرَيـسْ گـاعـدْ .. وايـلوبـحْ
اعْـيـونـَـه اوعَ السـلـْـطـَـه اتـْـرامشْ
وابـْـشـَـعْـبَـه مَـيْـهـمَّـه اشـْـيـاكـِـلْ
يـتـْحـَـنـصْ عَ الـيـورو .. اوغـابـشْ
حـايـرْ بـَـمْـرَه .. بـالِـعْ جَـمْـرَه
جــَـشْ اوشرطه اتريد الإمـرَه
ردنـَـه اوزارَه اومـامِـشْ وزرَه
نـَـفـط اتـْـقـَـسـمْ .. نـَـخـْـلـَـه اوتـَـمْـرَه
امْـحـاصَصْ صارَتْ شـوفْ العـبـرَه
احْـزابْ اوداخـَـتْ .. تـكـْـتـبْ شـَـفـْـرَه
كـلـهـَـه اوتـغـْـرفْ .. مـن هالحُـفـرَه
گـعْـدَوْ كـلهـم خِـلـْـقـَـوْ داعِـشْ
سَـلـْـحَـوْ بـيـهـم جابَـوْ داعـشْ
اتـْـقـَـدمْ .. و اتـْـقـَـهـْـقـَـرْ داعـشْ
( قاسم ) يـهـْـتـفْ
شـرْدَتْ داعـِشْ
***
اجْـريـشـچْ نـاعـمْ على هالرَنـَّـه
احْـكـومَه اتـْـشـَـكـْـلـَـتْ ؟
نـشـْـبـَـعْ مـِـنـَّـه
شـَـعـبْ اوسـاكـِـتْ .. يـعْـجـنْ حـنـَّـه
يـعْـجـنْ .. يـعْـجـنْ
بـيـهَـه ابْـدَمـنـَـه
صارَتْ سـولـَـه .. انـْـوِنْ الـوَنـَّـه
وَسْـفـَـه اوصارَتْ شـيـعَـه اوسـنـَّـه
جـوعْ اوحَـسْـرَه .. اعـْـلـيَـه دامَـنـَّـه
گـمْـنـَـه اونـبْـلـَـعْ سـَـمْ ابْـسَـمْـنـَـه
نـاكـلْ نـشـْـبَـعْ .. نـدخـلْ جَـنـَّـه
( قـاسـمْ ) يـهْـتـفْ
شـرْدَتْ داعـشْ
اتـْـقـَـدمْ و اتـْـقـَـهـْـقـَـرْ داعـشْ
***
------------------------------------------------------
ســــــــــبتمبر / 2014
ســـــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات