مانسيتْ

ميسون نعيم الرومي

الحوار المتمدن-العدد: 4577 - 2014 / 9 / 17 - 17:22
المحور: الادب والفن
    

مانــسـيـتْ
ميسون نعيم الرّومي

مانــسـيـتْ
سـَـعـَـفْ نـَـخـْـلـَـكْ هالظفـرْ شـَـعـري ظـفـْـيـرَه
اومانــسـيـتْ .. امـْـعـاتـَـبْ الحـرْ الضـَـمـيـرَه
اومانــسـيـتْ .. المـاي والفـَـرْحـَـه ابْـمـسـيـرَه
لانــسـيـتْ اشـْـطوط روحـَـكْ
اولا أبـَـدْ قـِدّاحْ صـبـْـحـَـكْ
من نشـمْ
عـطــْـرَه اوعَـبـيـرَه
اومانــسـيـتْ
خـَـضْـرَتْ ابـْـروحـي السـنـابـلْ
كـلـّـي أحْـضـنـهَـه اوغـفـيَـتْ
ذَهـَـبْ سـنـْـبـلْ مادريـَـتْ
وآنـَـه بـالغـرْبـَـه ابـتـلـيَـتْ
مانــسـيـتْ
***
مانــسـيـتْ
مانــسـيـتْ .. غـنـْـوَه واتـْـغـَـنـي البـَـلابـلْ
اومانــسـيـتْ ابـْـعـَـسـَـلْ تـَـمـرَكْ
مـنْ يـشـچْ طـَـعـْـمـَـه ابـْـلـَـهـاتـي
اومانــسـيـتْ الروحْ يـَـمَّـكْ
تـنـْـتـظـرْ عـِـنـْـدَكْ مـَـمـاتـي
او مانــسـيـتْ
اطـْـفـالْ ديـرَتـْـنـَه الأسـيـرَه
مانــسـيـتْ الفرحـه والچانـَـتْ گـصـيـرَه
اولانــسـيـتْ الصـوتْ صوتـَـكْ
صـاح بِـذْنـي
بـَـحـَـرْ وادْمـوعـَـكْ هـَـديـرَه
وآنه وابحزني انـْـسـبـيـَـتْ
آنـَـه بـالغـرْبـَـه ابـتـليَـتْ
مانــسـيـتْ
***
مانــسـيـتْ
آنـَـه أحـْـسـبْ بالمـطـَـرْ
اوشـَـمـْـسـَـكْ ابـتـَـمـوزْ .. تـحْـرگـنـي حـَـرگْ
اوغـنـْـوَة الأيـامْ .. من غـَـنـَّـه العـمـرْ
ضـاعْ شـعـْري .. اولاحـَـرفْ
ضـاعْ السـَـطـرْ
اومابـَـعـَـدْ طـَـرّ الفـَـجـرْ
اومانــسـيـتْ
عـِـطـرْ زَهـْـرَكْ مـنـَّـه مـاأگـْـدَرْ أفـرْ
مانــسـيـتْ البـرحـي واعـثـوگْ التـَـمـرْ
اومانــسـيـتْ اهـلال حـبـْـنـَـه
من نـَجـمْ صُـبـْـحـَـه يـمـرْ
مانــسـيـتْ احـْـبـابْ ديـرتـنـَـه چـثـيـرَه
او مانــسـيـتْ الفرحـَه من تضحـك الـدّيـره
او مانــسـيـتْ
اشـْـلونْ نـلعـَـبْ
وبـْچـفـوفْ الفـَـرَحْ نشربْ من زلالـَـكْ
وارتـويـَـتْ
وحَگْ عـيـَـنـَـكْ مانـسـيـَـتْ
وآنـَـه بـالغـرْبـَـه ابـتـليَـتْ
مانــسـيـتْ
***
مانــسـيـتْ
الملجأ اودَگــَّـة امْريـكـَـه
دَگــْـة أرضْ العامريـّه
اومانــسـيـتْ الصوت يـصْرَخْ
صوتْ أطـْـفـالْ اوشـچـيـّـه
جَـمرْ صارَوْ ..آخ ياظـلمْ المنيـَّـه
اومانــسـيـتْ
الجـِـرَه اوهـذا الصارْ
واطروف الجـثــَـثْ طـشارْ
اوشارع الموت السـِبـانـَه
اوذيـچْ ياناسْ البـلـيـَّـه
اولانــسـيـتْ
ابـْـسِـمـَه بغداد المِـنـايـَـه
اورَعـْـد زلزال القـَـنـابـلْ
گالوْ يـَـويـلي العابْ ناريـَّـه
مانــسـيـتْ
الفـَـرَح ْمـن طاحْ الصَـنـَـمْ
اومانـسـيـَـتْ النـوبْ بالـميـّة صَـنـَـمْ
هالجَـونـَـه يـَـخاچـيـَّـه
وآنـه وابْـگـَـلـْـبي انـْـچـويـَـتْ
مانــسـيـتْ
وآنـَـه بـالغـرْبـَـه ابـْـتـليَـتْ
مانــسـيـتْ
مانــسـيـتْ
-------------------------------------------------------
ســــبتمبر / 2014
ســـــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات