وا ويلاه ... يا ويَلي

ميسون نعيم الرومي

الحوار المتمدن-العدد: 4569 - 2014 / 9 / 9 - 18:18
المحور: الادب والفن
    

وا ويـلاه ... يا ويـَـلي
ميسون نعيم الرّومي

وا ويـلاه ... يا ويـَـلي
هالضاعْ الوَطـَـنْ
ويـَـلي
يا دَمْعـَـه صبّي إعْـلـَـه الوَجـنْ
يا دَمْعـَـه هـلـّي اوسـيـلي
عَ اللي جـرَه
اوعَ اللي صارْ
عَ الـبـَـلـَـدْ هالهـَـدْ إعـْـصارْ
كـلْ الوَطـَـنْ ... ويـَـلي انهـارْ
دَمْ الجـرَه ... صارْ انـْهـارْ
يـا عـالـَـمْ انـهـَـدْ حـيـَـلي
وا ويـلاه ... يا ويـَـلي
***
ويَّـه الظلمْ شـو دنـْـيـاي
كاروكْ بـيـنـَـه اتهـزيـنْ
عَ الحَـقْ تـَـراچْ اتـْـحـيـديـنْ
بـَـلـْـواچْ زادَتْ بَـلـواي
دومِـچْ اوبـيـنـَـه اتـمـيـليـنْ
نـاعـورْ واغـْـرَفـْـتي اهـواي
بَـسّـچْ اوكـافـي اتـْغـرْفـيـنْ
مَجـْـبـورْ اسِـألچ عً الصارْ
ويَـنْ الأهـل ؟ ويـن الدارْ ..؟
مات المـحِـب ... مـاتْ الجـارْ
ولـدْ الوَطـَـنْ ... قـرَّة عـيـَـنْ
كـلهـمْ جـثـَـثْ عَ الصوبـيـَـنْ
مِـيـّـاتْ ألـْـف اوألـفـيـنْ
آخ الويـَـل ياويَـلي
بـيـهـمْ تعـالي اوشـيـلي
ضاعْ اوخـلصْ تـَـعْـلـيـلي
چـا ويَـنـَـه ... الوَطـَـنْ ويَـلي
يـادنـْـيَـه ... انهـدَمْ حـيـَـلي
واويـلاه ... يا ويـَـلي
***
يـالمَـلـْـحَـه دگـّي ... اعْـلـَـه الزيَـنْ
فـَـرْگـِـچْ اوطـَـيْـنـيـه ابْـطـيـنْ
عَـنـْـهـمْ اسـألي المالكي
هالخـانْ فـكـْـرَه اوشـَـعـْـبَـه
مـَـلـْـيـَـنْ اوزَيـَّـدْ ذَهـْـبـَـه
يا خـيَـبـَـتـَه الذل رَبْـعَـه
فـَـتــَّـتْ بَـلـَـدْنـَـه ... تـَـفـْـتـيـتْ
حَـمـّامْ دَمْ ابـْـتـكـْـريـتْ
دَمْهـمْ ايـحـيـلـَـكْ مَحْكـَـمَه
دَوْلـيـَّـه هـذي الـمَحْكـَـمَه
الـتـهْـمَـه :-
اهـدارْ الدِمَـه
اشـعـَـلـتْ نـارْ اووَجـيَـتْ
بـِـعـْـراقـنـَـه لـَـمـنْ جـيَـتْ
احـْـرَگـتْ كـلْ دارْ اوبـيَـتْ
هـَـدَّمـتْ شـَـعْـبي اوجـيـلي
بغداد كـُـفـّـي ادموعـچْ ... ذكـرچْ يـِـهـدْ ابحيلي
أويلاه ... وا ويلي
***
يـَـبـغـدادْ يـَـعـْـيـوني
خـَـيـَـبـتي كل اضنوني
گـليـلي شـنهي اشـجالچْ
يـبْـسَـتْ احْـبـَـيـْـبـَه انهارچْ
فـَـرْهِـدَوْ كـلـْهَه اسـرارچْ
أويلاخ ... أويلاخ
عَـطـْـشـانْ نـَـخـْـلچْ وايـلوعْ
شـَـعـْـبـچْ اوهالطـَگـَّـه الجـوعْ
نـوابْ !!! ويـَـنْ المـَـمـْـنـوع ؟؟
أشـْـرَفـْـهـمْ اكـْـبـَـرْ مَـفـجـوعْ
أويلاه .. أويلاه
أحْـزابْ فـَـرْخـَـتْ أحـْـزابْ
واويـَّـه جـابـَـتْ لـذيـابْ
دايـرْ يـدورْ الدولابْ
( مـُـلّايـَـه ) غـُـرفي اومـيـلي
يا ويلاه يا ويلي
***
عَ المَـرأه صَوتـَـوْ تـَـصويـتْ
بَـسْ للطـَـبـخْ گـَـعـدَة بـيـَـتْ
(ارضاعة كبير) انـتَ افـتـيـَـتْ
صارْ الحَـديـثْ ابـكـلْ بـيـَـتْ
اويـلاه اويـلاه
لـَـفـوهـَـه گـالـَـوْ عـَـوْرَه
أهْـدافْ هـذي الثـَـورَه
مامـشْ افـْـكـارْ امْـنـَـورَه
اويـلاخْ اويـلاخْ
كـلـْهـَه هالـتـرگـصْ عَ العـودْ
والجـرمْ ثـابـتْ مَـشـْـهـودْ
لـلشَـعـَـبْ اعْـلامـَـه السـودْ
واللـَـطـمْ لطماتـَـه اخـْـدودْ
هـالجـودْ مـن الماجـودْ
( خـاتـونْ ) حَـمـْـلي اوشـيلي
أويلاه ... يا ويلي
***********************
ســــــبتمبر / 2014
ســــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات