لاشكر علي واجب ياريس

جورج المصري

الحوار المتمدن-العدد: 1287 - 2005 / 8 / 15 - 11:25
المحور: كتابات ساخرة
    

متشكرنيش ياريس وتقولي ماتتعبش نفسك دا لا شكر علي واجب يامعلمي انا مليش الا انت وعلي الطلاق وشعرك المصبوغ وولادك المحروسين م العين يامحمد انا بحبك . ياراجل هو احنا حنلاقي مين ذيك ياعيني مقطع نفسك مابين شرم الشيخ وجده وساعات لما يرضوا عليك تروح الرياض تتفسح وتشم الريالات وترجع منفوخ من هوا الريالات وتنده علي ابن الغساله وتقول له اسمع ياوله ياخبيث الوغدلي هو انا عملتك شيخ الغفر ليه ياهطل مش علشان نروق اصحابنا بتوع الرياض؟ رد عليك الوله الاهطل ويقولك لا.. بقي لامؤاخذه ياريس انت استغلطني مع الوله فصْوت النتن !
لا مانا عارف ياهطل ان موضوع العوالم بتاع فصْوت ومسمهوش النتن ، النتن يزعل مننا ويحطلنا تفافه في السندوتشات ياهبل فصْوت اسمه المعفن.
طيب ياريس اعمل لك ايه مانا معكنن مله اللي جابوهم ملعبهملك علي الحبل سايب ولاد الصايعه بتوعي يخطفوا بناتهم وولاد عمهم ولاد الدايخه اهم بيقرفوهم فيهم في كل حته مانت عارف ياريس كل المصالح الحكوميه ولاد الدايخه قايمين بالازم مفيش ورقه تمشي بالساهل ولو بياخدوا 10 جنيه في الورقه من ولاد الكافره ناخد 30 او 40 وبرضه نطلع روحهم الورقه لو تاخد يوم تاخد عشره معاهم .
طب يعني مش شايفهم بيسيبوا البلد ليه؟ ايوه ياريس مابيسيبوش البلد علشان معندهمش دم باردين وعاملين فيها متربيين طب اقولك الوليه النكد اللي مسكناها رئاسه مكتب الجوازات في مجمع التحرير دك النهار واحد منهم راح يطلع جواز سفر وكان لمض شويه من اياهم بتوع بره اللي احنا بنقول عليهم أقباط المهجر.
قالت له اعطيني مايثبت جنسيتك ؟
الراجل فضل يضحك وبصراحه اللي حكي لي الحكايه قال انا كنت فاكر انه في الاخر حيعيط ، فقال لها حاضر ياحاجه اجيب ليكي شهاده الجنسيه بس ممكن اعرف اجيبها منين ؟
قالت له اطلع الدور العاشر وهناك يدوروا في الملفات ويشوفوا ان كان عندك ملف فقال لها اول مره اسمع الحكايه دي دانا عندي خمسين سنه ويمكن دا سادس او سابع جواز سفر اطلعه اول مره حد يقولي اثبت جنسيتك ممكن تقوليلي هو مش كفايه بطاقتي وشهاده الميلاد و الجواز المنتهي واستماره الجواز مختومه من اثنين موظفين حكومه وبكلمك مصري وشكل اهل مصري ؟
قالت له بلاش غليه حتروح ولا انت حر مش حمشي الورق؟

فقال لها طب ياحاجه انت اسم حضرتك ايه بالضبط قالت له كذا مذا كذا فقال لها انا مسمعتش اي اسم في اسمائك فيه جرجس ولاصليب ولاحنا ولامنقريوس يعني انت مش قبطيه فقالت له لابعد الشر فال الله ولا فالك . فقال لها بالفم المليان قدام الناس حلوه دي بقي انت مش مصريه وجايه من بلاد المعيز و تسئليني ان كنت انا القبطي مصري ولا لا ؟ انت ياوليه مجنونه ؟
فطيعا رئيس المكتب جري عند الحاجه وقال لها انتي بتعكسيه ليه مشي ورق الراجل انتي بقي بعد كل الردح ده ولسه عاوزه تعرفي اذا كان مصري ولا لأ .

وانهي المعفن كلامه ما محروس من العين يامحمد وقال له اعمل فيهم ايه ياريس كنايس وحرقناها وكلاب السكك وسيبناهم علي بناتهم وحتي القسس مسلموش منا نسوانه وفضحناهم وفي الاشغال واقفين حالهم عاوزني اعمل ايه ناني .

شفت بقي ياريس كاني كنت معاكم بسمعكم وبقلبي احيك واجيلك من قلبي و انا حبيت اقول للشعب في مصر انه لازم يشكرك وبكل حراره ويدعي لك من كل قلوبهم تنجح وتتخرج يامحمد ومتمنعنيش من شكرك وتقولي متتعبش نفسك.
تتصور ياريس مندوبين الاهطل بتاعك بعتولي جوابات شكر بيقوللي ماتتعبش نفسك ياجورج اكثر من كده احسن احنا خايفيين عليك و عاوزين نريحك وواحد منهم دمه خفيف بشكل تتصور انه قال لي متتعبش نفسك الاقباط مش مصريين ؟ فقلت ياتري اذاي الحكايه دي فقال سعاده الظابط الاهطل اصل المسيحين المصريين كلهم بيض ووشهم منور و المصريين الاصليين سمر علشان كده الاقباط اصلهم من الرومان او اليونانيين كله الا المصريين فمتتعبش نفسك مصر مفيهاش مصريين .

وعلي رأي المرحوم الممثل فتي الشاشه الاول فريد شوقي وشرف امك الغالي اللي مابحلفش بيه كدب ابدا المصري المسيحي مش ابيض علشان من اصل روماني ولايوناني المسيحي القبطي ابيض علشان اصله نظيف يامعفن .

#جورج_المصري (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات