عبدالله صقر
الحوار المتمدن-العدد: 4551 - 2014 / 8 / 22 - 23:58
المحور:
الادب والفن
تفرق بأيه
لو نايم فى قصر
أو نايم فى عشة
واكل خـــــروف
ولا طبق كرشة
مايم على حرير
وفى إيدك مهفة
ولا نايم على الآرض
وفى إيدك مقشة
كلها حياة بس للقناعة
أوعى تنســــــــــــــى
أن الملك فاروق كان
ليلاتى يتعشى
حمام ورومى
ويخرج ويا حريه ويتمشى
وفى النهاية أنطرد وأنحرم
من الحبايب والآعزة
ومبارك وأولاده كانوا ليلاتى
بياكلوا من مطاعم فرنسا
ومرسى كان بيحسب
أنه ها يبلع البلد فى كرشه
يابنى خليك قنوع لآن
القنناعة كنز لا يفنى
ها تفرق بأيه لو فى
جيبك مليون جنيه
أو شوية حديد فكة
ولا راكب طيارة
أو متشعبط فى سبنسة
كلها حياة يس للقناعة
أوعى تنسى
أتجوزت واحدة حلوة
أو واحدة وحشة
قعدت على مكتب مكيف
ولا فى الشارع ماسك مقشة
صيفت فى الريفيرا ولا
على الترعة بتتمشى كلها حياة
بس القناعة كنز وأوعى تنسى
#عبدالله_صقر (هاشتاغ)
كيف تدعم-ين الحوار المتمدن واليسار والعلمانية
على الانترنت؟