طالب الجليلي
(Talib Al Jalely)
الحوار المتمدن-العدد: 4535 - 2014 / 8 / 6 - 23:42
المحور:
الادب والفن
ما ظل صبر ...!!
يكلي اصبر
جم دوب؟!
مو مل الصبر مني
اومل مني والعباس
العمر!!
ارد انشدك يا وطن
يللي سموك
الوكح..
ليش يوميه تركص
ردح..؟!
يوميه حفلة موت
واعدام..
اوهلنوبه ذبح !!
مره بسم العروبه
والحدود
اومره بسم ابار النفط
مره بسم أرزاق
اوجود
اوهسا بسم
ألله اومحمد..
بسم أطنان الكره
ذاك اللي..
ورثناه امن الجدود..
واللي غطنا امن الحدود
راح تنهد السدود !!
كل شعارات الركبو
صهوتك
كلشي ولا..
يزعل عمو سام !!
تالي يفلت من
فج الحصان اللجام. ،،
ابشرنك يا وطن
هلمره موش احصان
صارت اربوعك مراتع
بيها تمرح اضباع...
زورا.. من يدعي
الإسلام ....
6 اب 2014
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟