أشگ صدر الكاع ومتصير داعشني

نوزاد نوبار مدياتي

الحوار المتمدن-العدد: 4490 - 2014 / 6 / 22 - 16:46
المحور: الادب والفن
    

أنة الشابگ نجم ومجتف الگاع
مُهر شيوخ أني والغيرة تكتلني

صعب كلش صعب من تتلاوة وياي
ومثل حصن الأخضيرلو ردت تعبرني

جاي من السعودية تريد مني إسلام ؟
تتوضة بإرهابك و تريد تحكمني؟

جذرثابت عرج مثل النخل فوگ
و من تنتحر بية خواني التلملمني .

لك يا إسلام يقبل تنشف الكاع ؟
أسلامك أغم ما يكدريزحزحني!

تصيح الله واكبر من تكتل أخوي ؟
و رافضي تسمي لإن ناسبني ؟

أنة مناسب زلم نحروا جفون الخوف
جرب صير زلمة ومرة واجهني!

يا معتوه روح حارب أسرائيل
أذا أدور جهاد وتريد تقنعني !

تريد دولة و بيها شرع الله ؟
أنزعلك حضارة ودشداشة تلبسني ؟

أنة اللابس تفگ من عمري خمس سنين
من حرب القادسية بتابوت زفتني !

أحبيبة بالطرف أبن السيدة خنساء
جابت أربع زلم وللحرب طوعتني !

ياهو الكلك منكم أحنة نخاف ؟
إسئل التاريخ ياهي حِبلتني !

أمي الملحة رضعتني حليب الأور
الكلدان أبوية وأشور كمطني !

حور العين عدنا إي نعم موجود ..
شوف شلون شيعية تزوجت بسني !

إنتم وين عندكم هيج أطياف ؟
بول بعير عندكم وبالجهاد ناكحني !

عدنا أطفال شربت من حليب سباع
تربت بالجبال ،، كردستان خلفتني !

لا أيران أتبع لا تركيا و أعراب
چاي بتهمة الردة تريد تذبحني ،،

عراقي لحد جفن دجلة وكحل أيلول
لحد موت النخل و الفاو تشهدني

عراقي شما يدور بية الكون
أعرف نسل جدي والكاع تعرفني

أتفاخر بالجفن في سبيل أختي تعيش
في سبيل شيعي يعاشر السني ،،

داعش ما تهمني مثل بوم الليل !!
أشگ صدر الكاع ومتصير داعشني


القصيدة صوت :
http://youtu.be/_YldKAvdaQs

#نوزاد_نوبار_مدياتي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات