طالب الجليلي
(Talib Al Jalely)
الحوار المتمدن-العدد: 4475 - 2014 / 6 / 7 - 13:51
المحور:
الادب والفن
مكاتيب...
ليليه أسهر للفجر
بس احسب النجمات
اتصورك نجمة صبح
واتنطر ابحسرات
ماجني شايف بشر
اولا عمري مر وندثر
كلبي وكح ما مات!!
................
هلهوله شعرك سرح
والهوا ايلوليله
تشبه رفيف الكطا
من تضحك ابليله
حيرني حسنك ياترف
حاولت ألكيله وصف
فدوه الحسن يغديل
...........
ليليه أكولن من لهفتي
اوشوكي اريد انساك !
صارت عدوي امخدتي
سهرني وك فركاك
بس من يهل الفجر
يفلت امن ايدي الصبر
واشهك اريد الكاك
.............
انساك ياما احلفت
ويردني لك شوكي
روحي اويا روحك سرت
ماي انغرس بعروكي
حسنك شدهني اوصرت
ريشه ابعجاجه اوطرت
وتخردلت نوكي
7 حزيران 2014
#طالب_الجليلي (هاشتاغ)
Talib_Al_Jalely#
كيف تدعم-ين الحوار المتمدن واليسار والعلمانية
على الانترنت؟