خمسة سياسة

ايمان الجمال

الحوار المتمدن-العدد: 4420 - 2014 / 4 / 10 - 23:56
المحور: الادب والفن
    

طب تعالوا نتكلم سياسة
هاتفضلوا صادقين ، هاتفضلوا انقياء ، طب المصالح هاتغيركم، الحق هاتبقى وزير،
طب مين هاياخد كرسى البرلمان هنا ظهر الشاب متحدثا
طب هاتنتخب صوتك لمين

رد الحاج ياعم احنا عارفين ربنا يولى الاصلح
لا ياحاج لازم تنتخب وتعطى صوتك لمرشحى هو الافضل هو الى هايبنى ويعمر هو وهو وهو
رد الحاج قائلا يابنى هو هايودينى المستشفى اتعالج
قال الشاب ده هايعمر وينى مستشفيات والعلاج بالمجان
الحاج يابنى احترم شيبتى هاتضحكوا علينا لغاية امتى
الشاب فى سكر وزيت يابويا كمان والدنيا هاتبقى خضرا
اقول لك انت بتعرف تكتب
الحاج لا يابنى
الشاب طيب عليك واهل اليمين علم على العلامة الخضرا رمز الخير ربنا يجعلنا من اهل اليمين ياابويا
الحاج
يابنى انا كبرت ولا سكر ولا زيت انا حضرت عبد الناصر والسادات ومبارك ومرسى وانا مكانى ببيتى زى ماانا ماحدش عالجنى ماحدش ساعد الغلابة الكرسى له ناسه الى عارفين انهم هايوصلوا له
هاتقول ليه ياحاج هاقول لك تعبنا الى بيمسك بيمسك وينسونا
جتتنا نشفت من برد القطر والشبابيك المخلعه
رجلينا نشفت من وقفة طابور العيش
لا والى زاد النور والميه الى بتقطع رجعنا لبابور الجاز
يابنى عيشنا ننتخب اكلنا نعيش عين ولانا بلدنا تقف
بطلوا تكذبوا بالتلفزيون
اه عندى وباسمعه
وعارف كل شئ
شفت من الدنيا بشعر راسى وباضحك وباكل ومستور وعايش
لكن باحكى لك وجعنا احنا الغلابة
احنا مصر يابنى موجوعين اشفونا مصر تقف
والزرع يكبر والنيل ينضف
صفوا قلوبكم ياشباب الدنيا تعمر احنا كبرنا
الشاب فى صمت وعجز عن الكلام
والنبى بايونا انت راجل عسل وان مسكت البرلمان هاتشكمنا
الحاج فكر قبل ان يرد يدليه بالى فى رجله ولا يكلمه يهديه ولا ياخده يعقله بخبرة زمنه ولا يقول له موافق يابنى بس الاول ابنى يتعين
لكنه نظر اليه نظرة واحده فقط بكل المعانى
بس النهاية مش سعيده لان الشاب سابه وراح دور على حد تانى يقنعه بمرشحه اكل العيش بقى لازم تتكلم سياسة

#ايمان_الجمال (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات