قصيدة السراب

سعدي جبار مكلف

الحوار المتمدن-العدد: 4418 - 2014 / 4 / 8 - 16:22
المحور: الادب والفن

السراب
للحياة...للحصاد...للمطر لدفئ طبول الامل للغبشه التي طال انتظارها متى يأتي الربيع متى تأتي ياربيع القوافي والحروف لقد اتعبنا صمت المقابر ولغة اسواق الثرثره ونضال الانترنيت
وينكم
چا وينكم
يلي چنتوا ازماط ابوي
احزام ابوي
المابطل يوميلكم
ومستحيتوا شكثر غشمه اوجوهكم
چنتوا للسجه محطات وسفر
كل بيارغنا علت بچفوفكم
ما رخص مايك يادجله
ولا الفرات انباع سره
ودوم موزركم علگ بصدوركم
دوم امي اتگول اخوتك
جنجل ابشذره وجرس
والتمايم طرزت منشوركم
اه ياضيم المحنه
الما عرف درب الشمس
تاه دايح بالمحله
وضاعت الحرثه السلفكم
صاح وي ليل البنفسج
اصحوا اصحوا
حقي اگابح
ليمته تغفه اعيونكم
وليمته سيف الذيب يلمع
يجرح ويچتل وليكم
يحصد الزينين ذوله اهل العگل
الرافضه اتعيش اعله جديه
وتنتظر تدبيركم
تنتظر صيحة الحلوه
ايطش زرعها
لا ابعسكر لا ابمدارس لا ابمصنع
لا ولا..... كلها ممنوعه عليكم
وهمه همه
يامسچ بطيوبكم
بشروا بشروا
يا شماتت عار صاح ابليل ظلمه
وقعوا صك الدناءه
وطاحت الگطره وبچت بدروبكم
شنگول للسلمان
للنگره وقواويش الرمادي
ولك للحله للعماره البقت تشكيلكم
حتى شارعنا التحنه بدم شهيد
اترابه هيل ومسچ عنبر
يبچي يثغب ها ولك اشمالكم
صرتوا سالوفة الغبره وغافيه برموشكم
لا يروحي
الهور ما يرضه على الغبره
توچ تنوركم
والجبل ثلجه اعله حاله
ماهو گيض الي لفانه
ظل على امتون الربع تاريخكم
هاي برنو مهر عرسه
هذا موزر شمع زفته
والفشگ مثل النجم ضاويلكم
صاح دلال العشگ
بنص السلف
ها يلربع هو نفس اشباط
حاصوده وبده بهروشكم
المات مات
الراح راح
اليتامه والارامل والجراح
صارت الحنه رماد الموگد النا
وننتظر چلمه تدگ بيبانكم
لا غناوي بالمحله
ولا الهيوه اتفك حزنه
وضعنا احنا
وما كسبنا كل شي غير احلامكم
وما كسبنا كل شي من احلامكم
استراليا سيدني
10/12/2013

#سعدي_جبار_مكلف (هاشتاغ)

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات