لما تطلب حقك وتثور

عبدالله صقر

الحوار المتمدن-العدد: 4375 - 2014 / 2 / 24 - 09:09
المحور: الادب والفن
    

لما تطلب حقك وتثور

يقوموا عليك ويذبحوك

ولاد الآيه زى الثور

أو تجيلك رصاصة وتقضى عليك

ويجروك زى الكلب من رجبيك

إحنا جوه بلدنا وبره بلدنا ميتين

علشان بندور على حقوقنا لكن

يا خساره موش لاقيين

وأه , لما تمرض فى الشارع يرموك

تعيش ولا تموت ما فيش حد ها يحميك

لا حكومة ولا أمنا ولا أبونا إذا

ما لكش ظهر يحميك

يبقى دور لك على قبر يتاويك

ولما تطلب حقك فى غطاء يدفيك

تلاقى واحد يخرق لك عينيك

ويقول لك لو قلتها تانى ها

نقطع لك لسانك وإيديك

كل ده علشان بتطلب حقك

فى بطانية من البرد تحميك

وأنت فى بلدك منهان

وأنت بره بلدك عايش جبان

علشان مفيش لك ظهر يحميك

ولو مت بره بلدك يقولوا :

أيه إل وداه بره

لو شاطر أطلب حقك وثور

علشان يذبحوك زى الثور

ماهى دنيا عجيبة

دنيا غريبة

ليها ناس وناس

والفقير فيها محتاس

لو جدع أطلب حقك وثور

علشان مصيرك يبقى مصير الثور

وتنهان وتنضرب وقواك تضعف وتخور

يا أبنى بلاش لحسن عن دنيانا تموت وتغور

وما نعرفش لك مكان ونقول يا ترى هو

مدفون بره السور ولا جوة القبور

#عبدالله_صقر (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات