محمد صبرى
الحوار المتمدن-العدد: 4373 - 2014 / 2 / 22 - 17:42
المحور:
الادب والفن
بتسألينى عالوطن!!!!!!؟؟؟
والحرامى بقى الشريف
عايش حياتى للرغيف
ولا فيش امـــــــل
حتى المستقبل مخيف
وبتسألينى عالوطن!!!!!!!!؟؟؟؟
طرحه سوده من وراها
بنسمع كلااام سخيف
بيقولولنا امتلكتم الاراده
ومن النهارده الشريف هو الشريف
نصبح نلاقى انه كلام الليل
والنهار عندهم تخاريف
وبتسألينى عالوطن؟؟؟؟!!!!!
بيقولولى كفايه انك تمتلك قبرك
دى البلد مش بلدك
خليك ضيف خفيف
واحفظ ملامحك الشقيانه
قبل ما يصيبك التحريف
من نعل البياده .وللأمانه
ضربنا مش ممكن يهيف
وبتسألينى عالوطن؟؟؟؟!!!!!!
وطننا ممثل .احترف
اكل العقول والزيف
عايشين حق انتفاع
عايشين لاجل الرغيف
والكل قال عننا موتى
والرأى كان اجماع
احياااء لكن تأكلنا الضوارى
اكلها لــلجــيــف
وبتسألينى عالوطن؟؟؟؟!!!!!
>>>>>>
#محمدصبرى
#محمد_صبرى (هاشتاغ)
كيف تدعم-ين الحوار المتمدن واليسار والعلمانية
على الانترنت؟