قصة ميدان

مينا امين

الحوار المتمدن-العدد: 4356 - 2014 / 2 / 5 - 16:53
المحور: الادب والفن
    

قصة ميدان

فى يوم الشمس كانت فيه دافيه حنينه
اتجمع القريب والغريب
من هنا ومن هنا
وقف الكل فى ميدان اسمه التحرير
هتفوا بالحريه ضد الامن والداخليه
اللى قالوا عليها بلطجيه !
هتفوا ارحل امشى
كان يوم اسود لما شوفناك !!
الاسم محسسنا بأمان واتاريه دخان !
مخبى جواه نار قايده
مستنيه بس شويه ريح يكشفوا البركان
وانكشف البركان وبان اللى بان !
قولنا خير
الشباب موجود وهيعدل المايله
هيظبط كل حاجه ويصحح الخايبه
وفجأه وبدون مناسبه تسمع صوت بعيد
بيقولك امشى شمال اواخش يمين !!
قول لا او قول امين
بالعربى جايين نحكم
مش شهر ولاحتى سنه
ده احنا جايين مأبدين !!
ندينا باعلى صوت وقولنا ياثوارنا
الكرام يااولاد النيل واحفاد بناة الاهرام
خير فينكم
مش حاسينكم
مش سامع لكلامكم صوت
ولا اعلى رد فيكم هيكون السكوت !
وفعلا كان السكوت
وحصل اللى حصل
قولنا خير
طلع مش خير !
نزلنا تانى قولنا نعدل المايل
اتحرك الساكت واللى كان بيتكلم وكان قايل
وعملنا اللى قولنا عليه ورجعنا الحق لصحابه
وكل واحد قال كلمة الشعب تمشى على رقابه
وفجأه وبدون مناسبه
تسمع صوت خسيس يقولك استنى واهدى
رجع النظام القديم
اى نظام قديم !!
ده انتوا اقل واحقر من اى فاسد لئيم
انتم شلة فاسدة مجنناكم الملايين
جايين على وطن غلبان وبأسم النشطاء راكبين
راحت خلاص عليكم يانشطاء السبوبه
ومصر ايوه راجعه وهنبنيها طوبه طوبه

ودى قصة الميدان !!

#مينا_امين (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات