أفز بالليل.....وأهجس نار بضلوعي

سعدي جبار مكلف

الحوار المتمدن-العدد: 4352 - 2014 / 2 / 1 - 08:19
المحور: الادب والفن

أفز بالليل نص الليل....

سعدي جبار مكلف

أين أنت لا ليل لا نهار..كل كلمات الدنيا لا تملأ الفراغ حين يغيب من نحبهم فأنا شمعm إن أظلمت الدنيا أسرعوا نحوي...
أچان أنته تفز باليل وتغمض عينك شوية
حرام الليل ما نمتة نصه لحوگ تالية
تهجس بالضلع نيران جسمي أتستو أبضية
تبجي عل لگيته وراح وتسگي أفراشك أبمية
أنا المالگيته وضاع وأگول أشلون تالية
ضاع النوم مني وراح ولا وسنا يمر بيهة
وأحلامي غدت طشار دموع وحزن يومية
يعت بي العمر لي وين أبحور أغماك چالية
أشلون أغمض العينين أريد أحلم أبماضية
أفز باليل ....وأهجس نار بضلوعي
تفز بالليل وينة الليل حتى أنجومه متغيرة
وهلاله علن عاشور كل أيامه متكدرة
ما أگدر أمد الأيد كل أعضاي متخدرة
أمهيله وبمهب الريح مدري وين منحدرة
لا أشراع اليدليها والروجات متسمرة
مامش بالعيون أدموع وحتى أصبيها متحجرة
نشفت والدمايا أتسيل بسكته وتنحب بعبرة
هيعونك تفز باليل أضلن ناطراً فجرة
هم أينام گلي أشلون عطشان بوسط جزرة
صحيح الماي بيه أيحيط ياهو اليوصل الصدرة
شوايخ والزلال أبعيد الماي أمصبخ وكدرة
أفز بالليل....ألوم الروح
ألوم الروح تردس حيل تشتل سگم وتسطرة
تحصد والزرع آهات أطش الضيم وتگدرة
ما مش بالثنايا أغيوم دنياك أصبحت غبرة
لا مضايف تدگ الهيل ولا نشتم بعد عطرة
وكيحه الروح ما تهجع تضل تتأمل المطرة
أنهرها وترد أبزود بالكل تغفى أبصدرة
وتبني من السراب اشباب أتگلي كلمن وفگرة
أفز بالليل.....وأهجس نار بضلوعي
تفز بالليل ما غمضت ترى العيون
ملح مطشوش بيهن طشة المجنون
أزامط بيك كل الناس أوي النبض معجون
والله ما أفز بالليل لا قيس الگة عقلة
ولا عنتر تراهو أيخون
كل أعضاي جسمي تلتهب بالنار
بس أضلوع أوهم عليك أتهون
أحرگهن حيل يمدلل
حط الموت بيهن وأنشر الطاعون
والله ما أگلك ليش
كل أعضاي جسمي بخنجرك مطعون
طش أرمادها بالريح
بالكي الروح تصحى وتنوي هية أتخون

#سعدي_جبار_مكلف (هاشتاغ)

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات