شيلني واشيلك

كاظم اللامي

الحوار المتمدن-العدد: 4348 - 2014 / 1 / 29 - 09:20
المحور: مواضيع وابحاث سياسية
    

بالامس قمت بمداخلة مع الاستاذ عبدالخالق كريم في برنامجه المحترم ادعاء عام وعلى قناة دجلة حول البترودولار وتخصيصه من قبل الحكومة المركزية للحكومات المحلية وبقيمة خمسة دولارات .. طبعا سلمت على مقدم البرنامج استاذ عبدالخالق وعلى قناة دجلة لكن فاتني ان اسلم على مركز وقطب الرحى وشفيع المذنبين العراقيين في يوم الدين نوري المالكي ولضيق الوقت لم اكمل كلامي ... لذا اقول يا اخي يا ابو سريوه كفيلك العباس وروح ابوي سالفة الخمسة دولار سالفة غمة كلش كلش واكبر خطأ سويته بحياتك لانك راح اتكثر الحرامية بدل ما حرامية معدودين يبوكون الميزانية المخصصة لكل محافظة راح يبوكون الخمسة دولار وحتى لو انطيتهم البرميل كله وداعتك يبوكون حتى بوش البرميل حرامية بالسليقة يعني صارلكم تنطون للحكومات المحلية اموال منذ 2003 ولحد الان مع الجهد الكبير للوزارات المتعددة في المحافظات وهم مكانك راوح العمارة تفوز بالمركز الاول بنسب الانجاز وهي فلم هندي يومية غركانة عبارة عن نافورة وشارع مبلط واليوم الثاني توكف النافورة ويتحفر التبليط عمي رحمات لاهلكم كافي دجل كافي ضحك على العراقيين لذا اقول لنوري المالكي رئيس الوزراء اروحلك فدوه وارجع زحف واذا بيك خير وتحب الشعب رجع الخمسة دولار للشعب اصرفها مباشرة بس هم شني الفايدة منو راح يوزعها اكيد مؤسسات بنكية وحكومات محلية وبالتالي راح تاخذلها فترة ياله توصل للمواطن ليش لانها سوف تذهب للمضاربات الربحية واستثمارات كتلوية حزبوية وبعد ان يشبع الربع منها وتتكدس الاموال بخزاناتهم وجيوبهم المترعة بالسحت يوزعونها على المواطن المسكين والدليل ان هناك شيء اسمه ارباح للوزارات المنتجة للطاقة تعطي ما نسبته خمسين بالمائة وتغلس عن الباقي لمدة سنتين الى ثلاثة فاين تستقر هذه الاموال ربما عند داعش وغيرها او في بنوك اسرائيلية او حتى دوائر الحماية الاجتماعية والمهجرين وغيرها من الدوائر يتم تاخير الصرف مع العلم انها مصروفة من قبل الحكومة والميزانية وداخلة في حسابات هذه الدوائر وربما يتم الاستفادة منها في الترويج لمرشح ما وبعد ان يفوز هذا المرشح باموال العراقيين البسطاء والتسلط على رقابهم المنحنية دائما ويعتلي منصبا ما يقوم بمعالجة الموضوع مع السابق على اعتبار المحاصصة المقيتة لانهم من كتلة واحدة ونظرية شيلني واشيلك ... اذن يا اخي يا ابو سريوه ايها العندليب عندما يخطب لم لا تغرد مرة واحدة في حياتك وتوزع على العراقيين هذه الاموال الطائلة واحد ضايج ولعبانه نفسه من المفخخات يريد يروح لجورجيا وثاني مريض يريد يروح لالمانيا يتعالج واحد ما عنده بيت واحد ما عنده قطعة ارض واحد يريد يسوي مشروع اقتصادي وخلي الناس تدعيلك ويسمونك ابو الخبزة واخيرا حيا الله الخبزة وابو الخبزة

#كاظم_اللامي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات