نيشان

صفاء علي عبد

الحوار المتمدن-العدد: 4318 - 2013 / 12 / 27 - 22:01
المحور: الادب والفن
    

على اهداب السعادة علكَت نيشان
ردتك ياوليفي تصيــــر نيشاني...
وردتك وكت المغيب تصيرلي اهلال
تطل شمس الصبح وتجلّي بأحزاني
وردت منك عهد تصير لية اظلال...
اشو وكت العواصــف غاب سفّاني
ماتذكر صرتلك ياما اني اشراع..؟
انكسر ظلعي اعلة مودك حيل أذاني
جفيت بيوم صاب الكَلب صدمات
وعفتني ويّا الوكت مكسورة ذرعاني
ذخرتك يوم ذلّي تكَـــول عد عيناك
اشو سكته مشيت وضاع عنوانـــي..؟
صحت بعالي صوتي اشبيك ماصديت ؟
اضن بعت المودة وصرت سجّاني .؟
وعذرت الشوكَـ بيةّ ودمعي دفاكَـ
على طاري جنابك بتت بأحــــــزاني..
اقراني ملامح غربة وألـــم واعتاب ..
وعلى اجروف اليتامى اهناك تلكَاني
ضيعت الدرب واتحايل العبرات...
وعلى اضاف الشواطي ردت تتناني
تاهت خطوتي ما بين صد وابعاد
وضعت بين الإغراب وعقدة بألساني
وخفيت الآه تلو الآه حسبــــــات ....
وعلى امتون الزمان اخطوط حرماني

صفاء الدوري
ــــــــــــــــــــــــــ
2013/12/27

#صفاء_علي_عبد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات