يازارع الطيب زرعك بالصبخ وله

ميسون نعيم الرومي

الحوار المتمدن-العدد: 4266 - 2013 / 11 / 5 - 09:56
المحور: الادب والفن
    

حـِـرْنـَه اويـاچْ من مـِلــّه – زَرْعـَـكْ بالصُبـَخْ ولـّه
ما أحـْچـي بـَعـَدْ هاليـومْ قـَطـْعـِـيـَه
اربابـَه اوبـَسْ نـِـدگْ بالنـوطـَه يوميـَه
نـُصْ اهـلْ البـَـلـَدْ صاروْ حـَرامـيـَـه
جـَرْحـَـكْ هالنـِـزَفْ والوَحـْدَكْ اوشـِلـّه - حـِـرْنـَه اويـاچْ من مـِلــّه
-----------------
الله هـالواحـِـدْ أحـَـدْ
ماشـالله ابـْـلـَيـَه حـَسـَدْ
ماشـِـبـْعـَوْ اعـْيـانْ البـَلـَدْ
واحـِدْهـمْ يــِـبـوگْ اويــِنـْطي للشـِلـّه – زَرْعـَـكْ بالصُبـَخْ ولـّه
-----------------
عـصْـفـورْ اوكـافـِلْ زَرْزورْ
طاحْ البـيـتْ اوماضَلْ ســورْ
بـاعـَوْ مـَيـَـكْ راحْ الـنـورْ
شــِـفـْطـوه النـَفـط ْ كـُلـّه - حـِـرْنـَه اويـاچْ مـِـنْ مـِلــّه
---------------------
نـُسـْـكـُتْ..والتـُكـْتـِـلْ عـِلـّـتـْنـَه
مـَبـْيـوعـَه الغـيـرَكْ قـِـصتـْـنـَه
بالغـُرْبـَه السـودَه اتـشَـتـَـتــَنـَه
نـِتـْعـَـثــَرْ مـِنْ عـِلـّه العـِلـّه – زَرْعـَـكْ بالصُبـَخْ ولـّه
--------------------
يــِثــْردْ خـُبـُزْ وابـْدَمْي
ضَـنـْيـَتْ شـايـِـلْ هـَمّي
جـاكْ السـِـرَه يـاعـَمـْي
تـُكـْفـُرْ ابـْهـاي المـِلـّه - حـِـرْنـَه اويـاچْ مـِـنْ مـِلــّه
------------------
أويـلـِـي أحـّاه يـايـابـَه
هالكـِثــْرَتْ النـَهـابـَـه
حـَچـيـنـَه صايـِرْ اطـْلابـَه
رَگــّي اوصارْ بالسـَلـّه – زَرْعـَـكْ بالصُبـَخْ ولـّه
---------------
الشافْ مـِنْ شـافْ اخـْتـِرعْ
مـَـفـْجـوع ْمايـُعـْرُفْ شـِـبـِـعْ
لابـِـسـْـلـَه يـومـيـَه دِرِعْ
والـدِرِعْ يـِـحـْـمـي ابـْضـِلـّه - حـِـرْنـَه اويـاچْ مـِـنْ مـِلــّه
--------------------
فـَرْحـانْ ابـْروحـَه اومـَسـرورْ
مـِسْـتـَـقـْوي ابـْذاكَ الغـَـنـْدورْ
عـَصْـفـورْ كـافـِـلْ زَرزورْ
كـُل فـَقـيـرْ اوالـَه الله – زَرْعـَـكْ بالصُبـَخْ ولـّه
---------------
رايـِحْ لـَسْـيـادَه التـَعـْبـانْ
فـَرْهـَدْنـَه اوحـَط ْ بالشُـكبـانْ
بـَلوَه اوجـَتـْنـَه امن الجـيـرانْ
احـْجـارْ اومـَليـانـه السـََلــّه- حـِـرْنـَه اويـاچْ مـِـنْ مـِلــّه
--------------------
بابـْلادي اتـحـيـط ْ الغـِرْبانْ
وايـدَلــّونـَه عَ الخـِـرْبـانْ
نـِـبـْنـي او هـَدْمـَوْ بالبـُنـْيـانْ
من نـِـبـْنـي انـصيـحْ اصمـلـّه – زَرْعـَـكْ بالصُبـَخْ ولـّه
---------------
ســــــــتـوكـهـولـم
2013 / نوفمبر

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات