الى النائبة أم ستّوري

حذام الحداد

الحوار المتمدن-العدد: 4257 - 2013 / 10 / 26 - 23:13
المحور: الادب والفن
    

نايبتنهْ من صدگ سوَّتهه لَطميهْ
ومفتوح العَزهْ لجوگْ الحَراميهْ

نايِبتْنَهْ اليوم محتارهْ بمصايبهَهْ
أشلون تعيش من أنگطع ْ راتبهَهْ
چانتْ تلغّف ْأو محَّدْ يحاسِبههْ
وما درَتْ هيچ الوضع أيصير تاليَّه
نايبتنهْ من صدگ سوَّتهه لطميه
ومفتوح العَزهْ لجوگ الحراميهْ

مسيچينهْ أظن صابَتْهَه العيونْ
بَسْ هيَّ التبوگ!! الكل يبوگونْ
ماتكَفّيهه النصْ الشَهَر الثنعَشْ مليونْ
أشلونْ راح تعيشْ مِن طارتْ الخرجيَّهْ
نايِبَتْنَهْ من صدگ سوَّتهه لطميَّه
ومفتوح العَزهْ لجوگ الحَراميهْ

بالدلالهْ تشتغل من أهِيَّ زغيرهْ
شايلهْ البقچهْ وتفرفرْ على الديرهْ
رادَتْ براس الشعَبْ تصبَح أميرهْ
تدَوْرْ جاهْ ومال أم نَفْس الدنيَّهْ
نايِبَتْنَهْ من صدگ سوَّتهه لطميَّه
ومفتوح العَزهْ لجوگ الحراميهْ

ياخايِبهْ كل الشَعب صايرْ يعَرفچ زينْ
إجيتي عالهَريسهْ مو على الحسينْ
فسَّدْتي البلد والعلَه بسْ الشينْ
عادي الدار يفسدْ لو فِسَدْ راعيَّهْ
نايِبَتْنَهْ من صدگ سوَّتهه لطميَّه
ومفتوح العَزهْ لجوگ الحراميهْ

يَمْ سَتوري بَس گولي شوكتْ تشبعينْ
عشرْ سنين بأموالْ الشَعَب تلغْفينْ
والعراقي على الجَمرْ ينطرْ التموين ْ
ومادرَهْ عن حالَه بَسْ عالِم النيَّهْ
نايِبَتْنَهْ من صدگ سوَّتهه لطميَّه
ومفتوح العَزهْ لجوگ الحراميهْ

ردّي لكارچ الأوِلي ياخايبه ردّي
وگعدي وبسِّطي يَمْ بابْ أورِزدي
كل الشَعَبْ يزتچْ.. بدَفْعَةْ مَردي
ماتلوگ عليچْ بَسْ گعدَةْ البسطِيَّه
نايِبَتْنَهْ من صدگ سوَّتهه لطميَّه
ومفتوح العَزهْ لجوگ الحَراميهْ

ستوكهولم
26.10.2013

#حذام_الحداد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات