دمعة جنوبية

كامل الركابي
(Kamel Alrikaby)

الحوار المتمدن-العدد: 1204 - 2005 / 5 / 21 - 09:58
المحور: الادب والفن
    

أضم عيني حسد
لو سيَّرت
طيف
واضيّفك ﻠﻠ ﮔلب
لوتنحسب
ضيف
واشم ريحة
محبتنه وحلاوتها
نفس دافي
ورطب صيف
واسهِّر وجهك
بصدري
جمر يشعل حنيني
ويشتعل سيف
واﮔلك:حيل دمّيني
لوّن اتشوف
ذبحي ايصير الك كيف
إخذ دمي بجفوفك
طشَّه للشمّات
حلاوه وخاف كون
ايجيسك الحيف
يلغالي
ولا هالزعل بعيونك
يفيض ادموع
كل دمعه جنوبيه
نزيف من القهر بالدم
ﻴﮔطِّر بين الضلوع
المحبه والندامه
والعذابات
اللي خلتنه بعيدين
ونذوب اشموع
توَّدعنه الشمس
وتمسِّي الغروب
واحس كل دمعه
فاضت حزن من عينك
ثواب الروحك الطيبه
وعليَّ اذنوب
تجرح روحي
من تشتاﮒ الك وتلوب
يلمحبوب
وتحز بيَّ الاشواك
حنيَّه
واكابر واضحك ويه الناس
وانه المخبوز
ﮔلبي ابنار الفراﮒ
يتشعوط بالجمر حرﮔﻪ
وتفيض اشفافه ترياﮒ
مُر
وانت الحلاوه
المرمرت روحي
مُر
ماهي غريبه
وطايفه اجروحي
بنبضها إنت
بحلمها إنت
بسهرها
وخوفها
اعليك من العيون
من تجدح
ذهب بين اليضّوون
اغانيها الحزينه إنت
من تمطر
زعل وتهّيج الظنون
وإنت ايامها الخضره
الغنتها ابترافه
اشفاف ليمون
وإنت الغيبه والنسيان
والحس بالعطش والجوع
وإنت اﻠﻐﻤﮔت سر اﻠﮔلب
لويضوي مره
بصوت ملسوع
ﭽﺎ طاحت نجوم الليل
تسجدله سهر وتموع
ﮔلبي من المحبه يموع
ﮔلبي يموع
ﮔلبي !

#كامل_الركابي (هاشتاغ)       Kamel_Alrikaby#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات