نصوص .. تغنّي للعِشگ

محمد جلاب البديري

الحوار المتمدن-العدد: 4215 - 2013 / 9 / 14 - 09:32
المحور: الادب والفن
    

النص 1
....
صدفه شفتك يارغبتي
ناطر سنين الحبيب
ولو قبلت أنت أبمحبتي
الحزن كلّه يغيب
تبقى بس آلام حبي
تنوّر بشمعه أعله دربي
وحِس روحي مو غريب
ياجمالك ياجماله أكثر بعد
ياوصالك يمته توعدني أبوعد
ولو أجاني العِشگ يضحك
أحط گلبي ويّه گلّبك للأبد
ونطير بجناح السوالف
نجمع الحُب والعواطف
وشكر ألله بهل نصيب
آنه من شفتك شفت دنيه وزمان
وحِب گلّبك بيه وفه ورقّه وحنان
بيهه أصيح بصوت عالي
أيْرِد جوابك وَي سؤالي
وبعد ماريدن دِوَه وشوفت طبيب
والحزن كلّه يغيب
وحِس روحي مو غريب
........
....
النص 2
....
شطوله الرمش ياكحل الِجفون
وشْكُبر عينه تصد بالِعيون
صدليّه نظراته غزل
حبيّته مدري شلون
شلون أسمر مقَوَّس حاجبينه
يشع بين الكواكب نظر عينه
من شافه الگلب هام أبحنينه
كتب أحلى القصايد لليحبون
شفت الحُب غرام ويضحك بعينه
مكحّل من سمار الليل يازِنه
گتله أخذ العُمر بيامه وسنينه
شكرني عل محبه وگال ممنون
يامه ضلّت أعيونك تداويني
همت شوگ بغرامك فِدْوَه خلّيني
دلّيني أعله گلبك وين دلّيني
ترانه أمن المحبه أصبحت مجنون
حبيته مدري
شلون

#محمد_جلاب_البديري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات