كُلْ الدَگَّه عَ المَدْگوگَه

ميسون نعيم الرومي

الحوار المتمدن-العدد: 4188 - 2013 / 8 / 18 - 17:12
المحور: الادب والفن
    

فرحان البايگ بالـَبـّوگــَه - كـُـلْ الـدَگــَّه عَ المـَدْگـوگــَه
ضاع الحـَچـْي ما ظـَـل گـــولْ
يلجي الچـَعـَبْ ضاع الصــولْ
مـِـنْ السوگْ إنـفــُرْ عَ المولْ
وانـدَوْر على الخاشـوگــَه - كـُـلْ الـدَگــَّه عَ المـَدْگـوگــَه
---------------------
نـَـفـْطي إلـَكْ بـَـلــوَه إلـي
انباگْ الصوفْ راحْ الطـِلي
ايدَحـّگْ عـَـليـنـَه اومعـتـلي
وافـْچـَـخـْـنـَه بالطابـوگــَه - لـَطـّامْ رايــِد بـّـوگــَه
--------------------
گـيـَضْ الصيـَفْ يـچـْويـنـَه
بـَــردْ الشــِـتـَـه يـاذيـنــَـه
حـِـلّ الچـيـسْ وانـطـيـنـَه
واچـْيـاســتك مشگوگه - كـُـلْ الـدَگــَّه عَ المـَدْگـوگــَه
-------------------
امـريـكا..يـَـمـْـتـَـه اتـْـشـبـعـيـنْ؟
مـِنْ اديـارنـَه واتـْرحـْـلـيـنْ
امـنْ ازمانْ وانـْتِ اتـْفـِتـْلـيـنْ
بـاشـْعـوبـْنـَه الـمـَسـْحـوگــَه - لـَطـّامْ رايــِد بـّـوگــَه
------------------
مـَـنـْطـِقـَه او صارتْ خـَضراءْ
الخـيـَـرْ بـيـهـَــه اوسـَــــــراءْ
بـيـهـَـه الـدثــو والـحـَـربـاءْ
مـِنْ عـِـدْهـُمْ شـَعـَبـْنـَه رايـد احگـوگــَه - كـُـلْ الـدَگــَّه عَ المـَدْگـوگــَه
--------------------
كـُـل بـيـَتْ او يـِدگْ يـوميـَه لطـْمـيـَه
شـَعـَبـْنـَه ايـمـوتْ واتـعـيـشْ الحراميـَه
افـْـلـوسْ الشـَـعـَبْ عـِنــدْ الـنـِهـيـَبـيـَه
والـبـوگــَه عـِـد ْهـالـجـوگــَه - لـَطـّامْ رايــِد بـّـوگــَه
----------------------
عـيـنـَه مـِـثـلْ عـيـَنْ الصـلْ
دگــّاتـَه اتـْـشـَـيـِـبْ واتـْسـِـلْ
مـنْ الـبـوگْ اشـْوَكـتْ ايـمـِلْ ؟
يـُگــْمـزْ گــَمـْزاتْ العگــْروگــَه - كـُـلْ الـدَگــَّه عَ المـَدْگـوگــَه
--------------------
طـاحـَتْ عـَـلـيـَنـَه امـْصيـبـَه
كـِلـْمـَنْ ايـجـيـبْ انـْسـيـبـَه
الـوَطـَـنْ صـارْ انـْهـيـبـَـه
والـخـَـزْنـَه هـالـمـَبـْيـوگــَه - لـَطـّامْ رايــِد بـّـوگــَه
------------------
انـِـتــْـلـَـفـّـتْ اومـَسـْدودَه
يـاسـاعـَه هـاذي السـودَه
كــُـلْ البـَـلــَد مـَرْبــودَه
خـُبـْزَتـْنـَه بـي مـَحـْروگــَه - كـُـلْ الـدَگــَّه عَ المـَدْگـوگــَه
--------------------
دنـْيـانـَه صارَتْ ظـَـلـمـَه
ماظـَـلْ عـَظـُمْ لا لـِحـْمـَه
والشـْـعـِـرْ مـاتْ ابـنـظـمـَه
قـوافـي كـُـلْ بـَحـَرْ هـَـالبي مـَخـْـنـوگــَه - لـَطـّامْ رايــِد الـَبـّوگــَه
------------------
آب / 2013
ســـــــــــــتـوكـهولم

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات