ناطرك سنبل عشگنه

محمد جلاب البديري

الحوار المتمدن-العدد: 4160 - 2013 / 7 / 21 - 10:59
المحور: الادب والفن
    

سنين ماشفت المطر
دربين عِدهن تَيّهت
دربك وضحكات العشگ عطشة نهر
مشدوه من ثوب الحزن وتمرمرت
ومن نطرتك ليش عنّي تأخّرت
وبحسره من حزني إحْزنت
وشلون يامنبع حزنّه
طايف بروحك عشگنه
وأبد مثلك ماشفت
....
ياورد بيك تعطّرت
وبلهفه يمّك دوّرت
من روحي چنّك سافرت
چم آه يابيدر عشگنه
تهنه محرومين لعنه إعله الوكت
وطارداني الهجر عنّوه
ولجل حبّك صابرت
چنّي أعرفك من حضن إمّك يرزقي
ودارت الأيام بيّه وشيبت
بثگل حِمْل الگاع بيك تْوَلعت
وبعدد حزن الناس
من عشگك همت
....
آه يل شوفك وطن
تدري ياملح العراق بيوم فارگتك ضِعِت
ومن أشوفك چنّي شفت الوطن كلّه
ومن فراتينه إشربت
بس إنت بالدنيه عشگ
غيرك أبد ماعشگت
طلّگتهه الجنّه كلهه
بنار حبّك چلّبت
بحلم يقضه ونوم منّك ماتبّت
ومابدّلت
....
وانه آسف
تاه فكري وبالبُعد ماحسّبت
غصب بعّدني الوكت بسنينه عنّك
راد بس يحرمني منّك
گوّه گوّه ورحت عندك هاجرت
مگرود ماچنّي صرت
وتعذّبت
وتغرّبت

#محمد_جلاب_البديري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات