|
مؤامرة واحدة لاتكفي ...
لؤي عجيب
الحوار المتمدن-العدد: 4108 - 2013 / 5 / 30 - 11:28
المحور:
الادب والفن
- شاكر ... عاشت الأسامي يا شاكر ...شو دارس أنت ...؟؟ - حقوق ... استاذ ... - طيب .. اذا أنت خريج حقوق .. روح اشتغل محامي ولا قاضي ... شو جايبك على المالية..؟؟؟ والله عندي قريبي محامي ... الله يرزقه ... ما بيعرف كيف بتجيه المصاري ... - من قلة الحيلة ... استاذ .. ما فيني كفيت محاماة .... - استاذ .. عجبكون ... دبق بالكلمة ... بهدلتنا قدام اللجنة .. على كلَ .. أنا شايف أنو مكانك مو عنا ... - طيب اختبرني أستـ ... عفواً معلم ... - أييييه ... علينا... بلا استاذ وبلا معلم أنا ابو رامي ... حبيبي أنت مكانك المناسب بقصر العدل مو عندنا عم تفهم علي حبيبي ... ... شو شباب حدا بدو يسأله شي ولا بتوافقوني الرأي .... - أنا معك .. وشايف أنه هون مو محله ... - أنا حابب حاكيه كلمتين .... ولك حبيبي أنت ...أولاً ضيعت وقتنا ع شي فاضي ... وتانياً أخدت فرصة غيرك .... وتالتاً الناس يلي مؤهله ناطرة برا من الصبح وكل واحد معه كدسة شهادات وجاي حضرتك تقلي حقوق .. شفت يا استاااا..ذ .... لما الواحد بيجي على المكان الخطأ شو اللبكة يلي بيساويها ... - بس عفواً .... يا حضرات ... مكتوب بالإعلان خريج تجارة واقتصاد أو حقوق .... - يعني إذا يلي نزل الإعلان تيس ... ضروري المواطن يكون تيس .... - لو.... لو.... سمحت خلينا ما نكبر بالكلام .... - ولك حبيي .... - خلصنا أبو عبدو ... أنا بدي اعطيه فرصة وامتحنه ... - طيب ... طيب .. يا شاكر ... ماشي .... بدي شوف قديش أنت ذكي ... سؤال من وحي الحياة اليومية.... - تفضل .... تفضل ... - من وين شريت هاد القميص حبيبي شاكر ... - عفواً .... شو دخل القميص بالمقابلة .... - ولك حبيبي أمشي معي ولا تخاف بدي امتحن قدرتك على التركيز والفطنه ..... - من ... من الباله .... - قديش الك شاريه .... - من سنه ونص تقريباً ... - طيب هلا إجينا عالجد .... كم فيه زر بقميصك يا شاكر .... - والله .... والله ... ما خطر ببالي عدهم ولا مره .... يعني ما بشوفها ذات قيمة ... - شو قصدك ولك ...؟؟؟ - اتركه ابو عبدو .... خليه يركز معي .... قلتلي ما بتشوفها ذات قيمه ... يعني قميص عم تلبسه مرة أو مرتين باليوم يعني عم تمر ايدك على ازراره مرتين أو أربع مرات باليوم ولا بتعرف كم فيه زر ... أي شو هالذكاء ولا الفطنه يلي عندك .... - شي روتيني ... ما بيخطر ببالك ... - أنت عيني .... ونحنا شغلنا روتيني ... معناها ما لازم يخطر ع بالك أبداً .... - ولك إذا أنت عم تلبس قميصك كل يوم وما بتعرف عنه شي .... شو رح تساوي بالأوراق يلي رح تتكدس بمكتبك بعدين ... أنا ما قلتلك من أول شي مكانك مو عنا ... - أنا معك أبو رامي .. وأنا بسؤالي هاد كنت عم أكد له نظرتك .... - أيه مو مشكلة بعدهم وبشوف قديش بيطلعه .... واحد .. تنين ... تلا..... - ولك شو عم تساوي .. عم تغش قدامنا ولك... ما بتخجل ع حالك .... - اذا قدام اللجنه وعم تتحايل وتغش بكرا بمكتبك ولحالك شو رح تساوي ... - والله حتى ياكل الأخضر واليابس .... - هههههههههههههههههههه .............. هههههههههههه .......... ههههههههههههههههههه - عفواً ... - عفواً منك حبيبي أخرت الناس عن شغلها ... سلم ع اهلك والله يوفقك حبيبي .. - الله معك .... ومن وقتها وشاكر عم يعد كل شي ... اذا مشي بطريق عم يعد كم خطوة بتاخد معاه حتى يوصل لمكانه ... واذا طلع درج عم يعد كم درجة .... واذا اجا ع مقابلة عم يعد الناس برا قبل ما يدخل ... وهيك دخل بمتاهة عد الثواني والدقايق والساعات والأيام .... والسنين بعد .... وتستمر المؤامرة على المواطن السوري من قبل الكيان الصهيوني الغاشم ... ودول أوروبا وأمريكا وحلف الناتو وأذياله ....
#لؤي_عجيب (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
وطني .. غاية لا تدرك ....
-
قدر سكران ۲ ....
-
حلم .. العود الأبدي
-
وقف الدم السوري الآن .. ضرورة ملحة
-
سوريا تتكئ على جراحها ...
-
دردشة مع كندي
-
ربع وقية إنسانية ...
-
بعد الكاس العاشرة ... ناجيتك ...
-
تأمل في الحدث
-
رسالة إلى المعارضااات... السورية
-
الأزمة السورية.. واجب البحث عن الحل
-
مازال هناك موعد للقاء
-
مين لازم يسمع ...؟؟؟؟
-
كاس وناس وبسط
-
حرية.. حرية .. حرية ....
-
حرية .. حرية ....
-
حكمة الدم
-
إلى أين...؟؟؟
-
الآخر ...
-
منولوج .. يا ...
المزيد.....
-
Admhec “القبول بالجامعات” معدلات القبول الموحد في الجامعات ا
...
-
انطلاق الدورة الـ77 لمهرجان -لوكارنو- السينمائي الدولي في سو
...
-
البحر الأحمر السينمائي يعلن عن فتح الانتساب لدورته الرابعة 2
...
-
-أوروبا-: رؤية سينمائية تنتقد وحدة أوروبية مفترضة
-
نجم شهير يتعرض لموجة غضب كبيرة بسبب انسحابه فجأة من فيلم عن
...
-
تونس: الحكم بالسجن أربع سنوات على مغني الراب -كادوريم- وحرما
...
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
-
بعد 7 سنوات من عرض الجزء الأخير.. -فضائي- يعود بفيلم -رومولو
...
المزيد.....
-
في شعاب المصهرات شعر كتاب كامل
/ كاظم حسن سعيد
-
(مجوهرات روحية ) قصائد كتاب كامل
/ كاظم حسن سعيد
-
كتاب نظرة للامام مذكرات ج1
/ كاظم حسن سعيد
-
البصرة: رحلة استكشاف ج1 كتاب كامل
/ كاظم حسن سعيد
-
صليب باخوس العاشق
/ ياسر يونس
-
الكل يصفق للسلطان
/ ياسر يونس
-
ليالي شهرزاد
/ ياسر يونس
-
ترجمة مختارات من ديوان أزهار الشر للشاعر الفرنسي بودلير
/ ياسر يونس
-
زهور من بساتين الشِّعر الفرنسي
/ ياسر يونس
-
رسالةإ لى امرأة
/ ياسر يونس
المزيد.....
|