الگَرعَه تِهلسْ بالراسْ

ميسون نعيم الرومي

الحوار المتمدن-العدد: 4100 - 2013 / 5 / 22 - 22:11
المحور: الادب والفن
    

النـاسْ تـِـهـْـمـِـشْ بالنـاسْ – والگــَرعـَه تـِـهـْـلـِسْ بالـراسْ
آخ امن الشـَـعـَرْ لو طال عَ المـتـنـيـنْ
نـِـدَورْ عَ اليظـُفـْرَه الخابـص الصوبين
ياحـَسـْرَة الگــَرْعــَه منْ إجاهـَه البيـن
مـَـتـْريـدْ الشـَعـَـرْ يـنـْداسْ – والگــَرعـَه تـِـهـْـلـِسْ بالـراسْ
----------------
واويـلي الشـَـعـَرْ لو طاحْ عَ الگــُـصـَه
يــِغـَطي بالجـبـيـنْ اويـحجـِـبْ ابـْنـصـَه
الأگـْرَعْ يـوصي ابـْشـَعـْرَه هـالـوَصـَه
يـُـكـْنـسْ بالشـَعـَرْ كـَنـاسْ – والگــَرعـَه تـِـهـْـلـِسْ بالـراسْ
----------------
يــِضمونْ الأمانـَه عـِنـْدَه مو بالـدارْ
يــِـوَصْي بالأمانـَه رَبـْنـَـه سـابـِعْ جارْ
طارَتْ هالأمانـَـه والقـَـدَرْ هالـْـصار
هـِـنـْيالـَكْ يابـو النـَواسْ – والگــَرعـَه تـِـهـْـلـِسْ بالـراسْ
----------------
العـايـِـفْ ابـْجـَذرَه مايـحب اغصانْ
والجـَذرالرچـيـچ ايخـَربْ الگـيـعان
عـَصْفـورْ اوكـِفـَل زَرزورْ بالبستان
والبـِسـْتانْ اشـْجارَه اجـناسْ – والگــَرعـَه تـِـهـْـلـِسْ بالـراسْ
----------------
عامْ المؤتـَمـَرْ والمؤتـَمَـرْ هالعامْ
غـَرگـوه البـَلـَمْ واعتـِقـْلـَوْ الـبـَلام
عَ الجرّي فـطـَرْ والصامْ صامْ اوصامْ
وابـْصومـَه ايـقـَـشـْمـُرْ بالناسْ – والگــَرعـَه تـِـهـْـلـِسْ بالـراسْ
----------------
مـَجـالِسْهم اهـوايـَه مـَجـلس ابمَجلـِسْ
يـِـبـارِك بالشـِقاقْ اويـسـْرَحْ اويـرْدس
يـِـنـَظـّرْ للخـِلافْ ..والتـَـفـْرِقـَه ايكـَرّسْ
مـَلـّتْ ضاجـَتْ كـُلْ الناسْ – والگــَرعـَه تـِـهـْـلـِسْ بالـراسْ
----------------
شـو كـِلمـَنْ يصيـحْ اوسـَوّه فـَدْ لـَمّه
مـِـتـْحـَزمـينْ كـُلمـَنْ يـثـردْ ابـدمـّه
خـو من الرجـِلْ هالتـصعـَدْ الحـِمّه
حـِمـَتـْنـَه ماظـَنْ تنقاسْ – والگــَرعـَه تـِـهـْـلـِسْ بالـراسْ
----------------
ساسْ الماغـُمـَجْ من يـِعـْلـَه ياذينـَه
يـوميـَـه فـِلمْ مـن عـِنــْدَه مـَلـيـَنـَه
شـوكـُلمـَنْ تـلزمـَه اوصاح شعلينـَه
وابأيدَه ايـهـَدّمْ بالسـاسْ – والگــَرعـَه تـِـهـْـلـِسْ بالـراسْ
----------------
نـِتـْبـَرَّه لـوصارتْ مـِحـْـــنـَه
صوچْ البـيـنـَه مـِنـّه اوعـِدنـَه
بالغـُربـَه ( افلان ) اوشتـَتـْنـَه
والفـاسْ واگـِعْ بالراسْ – والگــَرعـَه تـِـهـْـلـِسْ بالـراسْ
----------------
يـانـاسْ شـِنـْهي التالي
الشـَرْجي يـُكـْفـرْ بـِشـْمالي
نـِـتـْوَحـَدْ يـَمتـَه اوهـِنـْيالي
عباس ايضادد فرناس – والگــَرعـَه تـِـهـْـلـِسْ بالـراسْ
----------------
مابـيـنـَه الــْيــذكـرْ ماضـيـّه
اومابـيـنـَه اليـِحـْسـِبْ تالـيـَه
خـَـلْ نـِعـْمـَلْ كـُلـْنـَه ابجـِديـَه
اوعـِرگْ الـْمو مـَيـْت دَساسْ – والگــَرعـَه تـِـهـْـلـِسْ بالـراسْ
----------------
مايس / 2013
ستـــــــــوكهولم

ميسون نعيم الرومي

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات