مِثِلْ بَلاعْ الموسْ

ميسون نعيم الرومي

الحوار المتمدن-العدد: 4097 - 2013 / 5 / 19 - 15:23
المحور: الادب والفن
    

يادَگــَّه الدَگــَّه والهـْموم اهـمومْ – يامـوسْ الوگـَفْ تاليهـَه بالبـَـلعـومْ
آخ امن الجـِـرَه مـَعـْــروفْ .. آخ الصــارْ
هـَبـَّتْ بالگــَـلبْ يـاويـلي كــارَة نـارْ
يـِحـرِگْ لو يــِـوجْ الجـــارْ گبل الـدارْ
كـُل هذا الجره اتـْوَضـَحْ اومـَعـْـلومْ - يامـوسْ الوگـَفْ تاليهـَه بالبـَـلعـومْ
---------------
متعنيه انشدك عَِ المضـه اوعَ الراحْ
مـَگـْـدَرْ أَســـكــُتْ اومگدر أبد أرتــاحْ
اصوابْ الأجـَه ياويلـي من سـَـفـاحْ
طــَعــْنـتـَه بالغدر وابـخـَـنـْجـَرَه المـَسـْمـومْ - يامـوسْ الوگـَفْ تاليهـَه بالبـَـلعـومْ
----------------
بـِـسـْـكـوتْ.. الخـِـيـانــَه تذبح ابلاحـِـسْ
كـُـلْ لـِعـِـبْ التلعبـه يخلص او بس بـَـسْ
عـُـمـرْ الهالخـِـلـَصْ .. چا ليوكت واتحـِسْ؟
من الله الـدعاء الــْدعوة المـَـظــْـلـومْ - يامـوسْ الوگـَفْ تاليهـَه بالبـَـلعـومْ
-----------------
آخ امن الظـُــلــُـمْ لــودامْ خـــو دَمـَّـرْ
چانـونْ الگــَـلـُبْ بـالـنار هالجـَمَّـرْ
ألوانْ اصفرْ ..او اخضرْ اوهـَمْ أَحمـَر
مــَـكـْـتـوبْ الجـِـرَه وامأرَخْ اومـَـفـْهـومْ - يامـوسْ الوگـَفْ تاليهـَه بالبـَـلعـومْ
-----------------
مـِـنــَـكْ انـْـتـِظـرْ گــُـلـّي ولـَكْ ليـشْ ؟
ياعـَـلـْگــَمْ هـَديــْه ؟.. اسموم تدمي العـيـشْ
مـَـركــَبـْـنــَه الغـِـرَگْ .. والبـَحـَرْ حامي الگـيـشْ
اصبـِـع هالتــِـدگْ وابـْغــَصَة المـَهـْزومْ؟ - ياـوسْ الوگـَفْ تاليهـَه بالبـَـلعـومْ
------------------
قـامـوسْ الغــَـزَلْ أَنـْواعْ واشـْـكالْ
مـوكافي الـغـدر ... وابحـسرة الدَلالْ
چــِـلـْمـَـه اعلـَـه الشـِـفـايـِـفْ..تنـحچي اوتـِنگـالْ ؟
تـيـبـَسْ.. ياحـَـبـايــِبْ .. هـالـتصيـر اعـلـومْ - يامـوسْ الوگـَفْ تاليهـَه بالبـَلعـومْ
-----------------------
رَبـّي مايـِـرامـي البـَـشـَـرْ بالأحـْجـارْ
بـالـدنـْـيـَـه يــِـراوي..ازغـــارْ بيهـه اكـبـارْ
يـِـهـِـدْ اجـبـالْ.. يـِـمـْحي امـنْ الأر ِضْ أَمصارْ
مـِـنْ السـِـمـَه احـتـِـرْ گــَتْ هالتـخـرْ انجـومْ - يامـوسْ الوگـَفْ تاليهـَه بالبـَـلعـومْ
----------------------
دولابْ الـوَكـِـتْ يـِـلعـَـبْ بالمعـَـثــْراتْ
واسـنـيـنْ انگـِـضـَنْ .. راحـَنْ بالمْحـَراماتْ
انـْكـِـتـْـلـَنْ غـَدِرْ.. لــُمْ گــُذلــَه وامْ شاماتْ
يادَربْ المـِشـيـَـتـَه .. امـْصـَخـَمْ اومـَهـْجـومْ - يامـوسْ الوگـَفْ تاليهـَه بالبـَـلعـومْ
-----------------------
مايـِـنـْـفـَعْ حـَچـْي لاعـَـتــَبْ ..لالـومْ
للبـايـِـعْ ضَمـيـرَه.. ابـدينـه مـَعـْدومْ
يــِـبـْـنـي بالـرَمـلْ والـسـورْ مـَهـْدوم
غـَصـّه البـِلگــَلـبْ والدَمـِعْ مـَكـْتـومْ - يامـوسْ الوگـَفْ تاليهـَه بالبـَـلعـومْ
-----------------------
ياحـِـلـْوَه العـَفـيـفـَه اوهـيـبَـة النـِسـوانْ
تـوگـــَفْ بـالـمضـيـفْ ابصدر كل ديــوانْ
آخْ امن الـزَمـَنْ .. تـتـسـيـّده الغمان ؟
يـِـتـْوَسـَـدْ تـرَه الـغمـّات .. والمـَثـْلومْ - يامـوسْ الـوگــَفْ تاليـهـَه بالبـَـلعـومْ
-----------------------
19 / 5 / 2013
ستوكهولم

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات