بيدَه اوياكُل بالْماعُون

ميسون نعيم الرومي

الحوار المتمدن-العدد: 4092 - 2013 / 5 / 14 - 18:46
المحور: الادب والفن
    

بـيـدَه اوياكــُـل بالـْـماعـُون
ميسون نعيم الرومي

بـيـدَه اوياكــُـل بالـْـماعـُون – بالأصبـِـعْ يُــفـْگـِـسْ لـِعـْــيـونْ
دومـَـه يـِـــهـــدُّ ، اويـِنـْـثـِــني
مـَـكـْسـورْ ظـَهـْرَه اومِنـْحني
الــْـدنــي : كـُـل وَكـْـتـَه دنـي
امـْفـَچـَچْ ماعـِنـْدَه اســنـونْ -– بـيـدَه اوياكــُـل بالـْـماعـُون
-----------------------------
شــدّو الـراس او يالگــَرعـيـنْ
نـُگـْطـَه اوطاحـَت من اجبـيـن
ايـلـوبـِحْ .. صايـرلـَه اســنـيـن
يـتـْمـَـنطق چـنـَّـه (افـلاطـون) – بالأصبـِـعْ يُــفـْگـِـسْ لـِعــْيـونْ
--------------------------
ايهـُومش كل وكـتـَـه ايـدور
امـْـن الـْـبيـبان ايـلِـم اگـشور
مَــغرور اومـغـتـر مَغــرور
مـَـسكين اوصاير مجنون – بـيـدَه اوياكــُـل بالـْـماعـُون
------------------------------
هَــلهـولــَـه اتـْـهـِل هـَـلهـوله
چـذبـاتـه اوصــارت سـولـَــه
والخـَـربـَـط .. ما يـِـنسُـولــَه
يــتـْمنـْـدل ضاحكلـَـه الكـون – بالأصبـِـعْ يُــفـْگـِـسْ لـِعـْــيـونْ
------------------------------
مـَـسْـكـيـنــَـه او بالـْـمـَبـْـدأ خِـنـْـتي
من كـُـل صوب اشبيـچ اغرَفـْـتِـي
بـــشـْـباچـِـچ ( مگروده ) اشمَـرتي
بـَـزّون اوصادَت بـَـزّون – بـيـدَه اوياكــُـل بالـْـماعـُون
------------------------------
گاضِـيهَـه سَخـْـتــَـه اوقــَشـْمـَره
عَ الــْـشـّـينــَه هَــالــّـلازم سِــرَه
(يـَـس يـَـم) او(يـَس يـَم) لـيوَره
حـَـرر (حـُقــُول المجـْنـون) – بالأصبـِـعْ يُــفـْگـِـسْ لـِعـْــيـونْ
------------------------------
مــَـلــْيــان تـــاريــخـَـه اذنـُوب
مـَـحـْـفــُور كِـلــّـه اومكـتـــُوب
وجـْـهـَـك چـَـن شارع مكــْروب
وامـْـشكبن بـَطـْنان اضنــُون – بـيـدَه اوياكــُـل بالـْـماعـُون
------------------------------
عاشگ ... يا (گــزّه) اوهـَـيـْـمان
(لابــس وردَه اوخِــزامـَـه اوبالوسطه اعران)
كاتب ... شاعِــر ... هـَـالفـَـنـّـان
ايـْـسلهـِــم بـعـْـيونـَـه اومَـسحـُون – بالأصبـِـعْ يُــفـْگـِـسْ لـِعـْــيـونْ
------------------------------
يـِـدري الشـَـبـْعـانْ ابـْجـوعـــانْ ؟
يـِـتـْـبـَخـْـتـَـرْ عـَيـنـِـي الـبـَطرانْ
نـِـغـْـلـــَـطْ بالعـَـد .. من ازمـــان
عـَدْهـِـن واصل للـْمِـليـُون – بـيـدَه اوياكــُـل بالـْـماعـُون
------------------------------
تِـــلعـَـب ، واتـْخـَـرب الــْملعـَـب
يـومِـيـّـه او تـگـلــُب مَـگـــلــَب
ياطبـْـعـَــك .. طـبـْـع الــْـثعـْـلــَب
والـْـثعـْـلــَب فـنان افــْنــُون – بالأصبـِـعْ يُــفـْگـِـسْ لـِعـْــيـونْ
------------------------------
ذيـبْ انت ... يابـُـو سَــرحــان
بـِـالحــُب : ولــْهان اوسَـرحان
مـَـسْـتــُور اوكـَـشفـَـك هَـالــْحان
ذيب امعـَط .. والكل يدرون – بـيـدَه اوياكــُـل بالـْـماعـُون
------------------------------
يارحـمــان اوياجـَـبار اوياستـّـار
يـَـالــْـكاشِــف كــُـل الأسْـــــرار
الله انــْـت ... اوتاخــُــذ بالـْـثــّار
من ناس... البيت ايـْـهجـْمون – بالأصبـِـعْ يُــفـْگـِـسْ لـِعـْــيـونْ
------------------------------
15 / 5 / 2013
ستوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات